„Filterar“ Facebook léku veðurfréttamann grátt
Veðurfréttamaðurinn Justin Hinton var að segja frá fyrstu snjókomu vetrarins í Norður-Karólínu í Bandaríkjunum í síðustu viku en bein útsending hans hefur vakið mikla lukku. Ástæðan er sú að Hinton var í beinni útsendingu á Facebooksíðu WLOS ABC 13 og fyrir mistök var hann með fjölda svokallaðra „filtera“ á útsendingunni.
Þetta er ekki í fyrst sinn sem mistök sem þessi eru gerð. Í fyrra lenti pakistanski stjórnmálamaðurinn Shaukat Yousafzai í því að vera með kisufilter á beinni útsendingu frá blaðamannafundi.
Sjá einnig: Settu óvart „kisufilter“ á beina útsendingu af blaðamannafundi
Hinton sjálfur hefur haft gaman af atvikinu og segir samstarfsmenn sína og vini hafa gert mikið grín af sér. Annað væri óeðlilegt.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
