Sigtryggur yfirgefur Lübeck eftir tímabilið

Sigtryggur Daði Rúnarsson yfirgefur herbúðir þýska B-deildarliðsins Lübeck-Schwartau í sumar. Félagið mun ekki endurnýja samning hans.

Sigtryggur, sem er 23 ára, gekk í raðir Lübeck frá Balingen 2018. Áður lék hann með Aue.

Hann hefur leikið 46 leiki fyrir Lübeck og skorað 81 mark.

„Að sjálfsögðu mun ég sakna liðsins og umhverfisins hérna. Mér hefur liðið vel hérna,“ er haft eftir Sigtryggi á heimasíðu Lübeck. Þar segist hann einnig ætla að klára tímabilið með liðinu af krafti.

Lübeck er í 15. sæti þýsku B-deildarinnar með 16 stig, þremur stigum frá fallsæti.