Átta greindust með veiruna innanlands

Hallgerður Kolbrún E. Jónsdóttir skrifar 16. ágúst 2020 11:18

Kórónuveiran á bráðamótökunni í Fossvogi

Átta greindust með kórónuveiruna sem veldur Covid-19 innanlands í gær og greindust þeir allir hjá sýkla- og veirufræðideild Landspítalans. Fjórir greindust á landamærunum og bíða þeir allir niðurstöðu úr mótefnamælingu samkvæmt nýjum tölum á covid.is.

347 sýni voru greind á sýkla- og veirufræðideild Landspítala og 3.191 á landamærunum. Ekkert sýni var tekið hjá Íslenskri erfðagreiningu. Samkvæmt upplýsingum á covid.is eru 121 í einangrun. 560 eru nú í sóttkví og fækkaði þeim um 45 milli dagaa milli daga.

Einn liggur nú á sjúkrahúsi en enginn á gjörgæslu.

Enn eru virk smit í öllum landshlutum, langflest á höfuðborgarsvæðinu. Þar eru einnig langflestir, eða 374, í sóttkví og fækkaði þeim um átján á milli daga. Þar á eftir kemur Suðurland, þar sem 55 eru í sóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur fer úr 21,0 niður í 19,6. Þá fór nýgengi landamærasmita úr 7,1 í 8,2.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.