Martinelli í fótspor Nicolas Anelka hjá Arsenal
Átján ára Brasilíumaður er að eiga mjög athyglisvert fyrsta tímabil með enska úrvalsdeildarfélaginu Arsenal.
Gabriel Martinelli skoraði fyrra mark Arsenal í 2-2 jafnteflinu á móti Chelsea í gær en markið má segja gjörbreytti öllu fyrir hans lið.
Með markinu komst Gabriel Martinelli einnig í hóp með Nicolas Anelka. Þetta var nefnilega tíunda mark Martinelli í öllum keppnum á þessu tímabili. Hann skoraði það eftir sprett upp allan völlinn eftir að Chelsea missti boltann upp við mark Arsenal.
Gabriel Martinelli is the first teenager to score 10+ goals across all competitions for Arsenal in a single season since Nicolas Anelka in 1998/99.
— Squawka Football (@Squawka) January 21, 2020
Just 18-years old. pic.twitter.com/Uyny0PHD5u
Gabriel Martinelli, sem er fæddur 18. júní 2001, kom til Arsenal frá brasilíska félaginu Ituano í júlí síðastliðnum.
Hann hefur skorað 3 mörk í 13 leikjum í ensku úrvalsdeildinni, 4 mörk í 2 leikjum í enska deildabikarnum og 3 mörk í 5 leikjum í Evrópudeildinni. Samtals gera þetta 10 mörk í 21 leik.
Frakkinn Nicolas Anelka er síðasti táningurinn sem náði því að skora tíu mörk fyrir Arsenal á einni leiktíð.
This time last year, the 18-year-old was playing in Brazil's regional leagues with Ituano FC.
— Sky Sports Premier League (@SkySportsPL) January 22, 2020
What a difference 12 months makes...
Nicolas Anelka skoraði 19 mörk í 46 leikjum í öllum keppnum tímabilið 1998-99 þar af 17 mörk í 35 deildarleikjum. Anelka var hélt þá upp á tvítugsafmælið sitt í mars á þessu tímabili.
Arsenel seldi Nicolas Anelka síðan til Real Madrid um sumarið en hann átti eftir að snúa aftur í ensku deildina og spila þar með Liverpool, Manchester City, Chelsea og West Bromwich Albion áður en ferli hans lauk.
