Leikarinn David Schwimmer fór með hlutverk Ross Geller í gamanþáttunum vinsælu Friends á sínum tíma.
Þættirnir voru í loftinu á árunum 1994-2004 og eru líklega vinsælustu þættir sögunnar.
Ross var í sambandi með Rachel í þáttunum en það var Jennifer Aniston sem fór með hlutverk hennar. Margir aðdáendur muna eflaust eftir stóra „við vorum í pásu“ málinu milli þeirra.
Þá hafði Ross verið með annarri konu þegar hann hélt að parið væri í pásu frá sambandinu. Mikil rifrildi sköpuðust um málið oft á tíðum í þáttunum en nú hefur Schwimmer sjálfur tjáð sig um það í spjallþætti Jimmy Fallon.
„Þetta var bara mjög skýrt. Þau voru í pásu,“ sagði Scwimmer í viðtalinu við Fallon.
