Bandaríski sendiherrann fær það óþvegið á samfélagsmiðlum Jakob Bjarnar skrifar 21. júlí 2020 11:08 Tíst Jeffrey Ross Gunters, bandaríska sendiherrans á Íslandi í gærkvöldi, hefur vakið upp sannkallaða reiðiöldu á samfélagsmiðlum. Meðal þeirra sem vanda um við Gunter eru íslenskir þingmenn. En þeim sárnar þessi notkun á íslenska fánanum. visir/vilhelm Tíst Jeffrey Ross Gunters, bandaríska sendiherrans á Íslandi í gærkvöldi, hefur vakið upp sannkallaða reiðiöldu á samfélagsmiðlum, ekki síst á Twitter þar sem Gunter fær það óþvegið. Í færslu sinni skrifar Gunter „Við stöndum sameinuð í baráttunni við ósýnilegu Kínaveiruna.“ Fyrir aftan skilaboðin setur hann síðan tjákn bandaríska fánans við hlið þess íslenska. Tvittersamfélagið hellir sér yfir Gunter Athugasemdir hafa hrannast upp þar sem Gunter eru ekki vandaðar kveðjurnar. Smári McCarthy þingmaður er þeirra á meðal og hann segir bendir sendiherranum mynduglega á að vírusinn heiti SARS-CoV-2. Og vírusa beri ekki að kenna við þjóðerni. Né sé vírus ósýnilegur heldur örsmár. Við erum öll á sama báti hvað varðar vírusinn og það að kenna hann við tiltekið þjóðerni hjálpi ekki upp á sakirnar. „Gerðu svo vel að blanda Íslandi ekki saman við slíkan þvætting, takk,“ segir Smári sem ritar athugasemd sína á ensku. Twittersamfélagið telur enga ástæðu til að vanda tal sitt eða setja skoðun sína fram kurteislega. Gunter er kallaður öllum illum nöfnum, sagður fábjáni og raisisti. Er hann hvattur til að eyða þessu tísti sínu og sagt að snauta til síns heima. Dæmi um athugasemdir við Twitterfærslu sendiherrans. Hann fær það óþvegið á samfélagsmiðlum. Þorvaldur Sverrisson auglýsingamaður með meiru segir að á Íslandi sé kórónuveiran ekki kölluð Kína-veiran, vegna þess að það sé rasískt og fábjánalegt. Enn annar sem leggur orð í belg, og vandar um við sendiherrann, er Gunnar Helgason rithöfundur, leikari og leikstjóri. Hann spyr hvort Gunther sjái einhver mun á stöðu mála í þessum tveimur löndum sem fánarnir vísa til. Annað landið sé starfhæft en hitt ekki. „Hvoru landinu er stjórnað af fábjána?“ spyr Gunnar. Taglhnýtingur Trumps Þannig gengur dælan. Á Facebook fordæmir Egill Helgason sjónvarpsmaður tíst sendiherrans og segir hann taglhnýting Trumps: „Þessi sendiherra, sem er ekki diplómati heldur borgaði ríkulega í kosningasjóð Trumps, ætti að skilja að hér á Íslandi höfum við ekki talað um Kínavírus. Það er líka ansi mikill munur á því hvernig við og Bandaríkjamenn höfum höndlað vírusinn. Hér hafa vísindamenn ráðið ferðinni. Í Bandaríkjunum sæta vísindamenn árásum.“ Helga Vala Helgadóttir þingmaður, segir þar í athugasemd, að hún sé alla jafna ekkert „sérstaklega viðkvæm fyrir notkun íslenska fánans en mér finnst glatað að sjá hann í þessum tilgangi undir persónufornafninu “við” (we)“ Forsmáir íslenska fánann með hinu rasíska samhengi Enn einn þingmaðurinn sem fordæmir framsetningu Jeffrey Ross Gunters sendiherra, og það á Facebook, er Ágúst Ólafur Ágústsson. Honum sárnar þessi notkun á íslenska fánanum og þannig fær þessi útreið sem Gunter fær á sig öfugsnúinn þjóðernislegan svipmót: „Að sendiherra Bandaríkjanna á Íslandi leyfi sér að vísa í íslenska fánann í sömu andrá og hann skrifar að “við” séum “sameinuð” gegn “invisible China virus” er rasískt og heimskulegt rugl. Ég vil því óska eftir að þessi sendiherra noti ekki íslenska fánann í þessum tilgangi.“ Stefán Pálsson sagnfræðingur, einn helsti stuðingsmaður Vinstri grænna og þar með ríkisstjórnarinnar, hefur haft hægt um sig á samfélagsmiðlum eftir að flokkur hans komst í stjórn. Hann lætur sér nægja að horfa yfir sviðið með spekingslegum svip um leið og hann sparkar í Gunter: „Þökk sé réttsýnu fólki á samfélagsmiðlum er þessi furðulegi bandaríski sendiherra búinn að fá meiri dreifingu á kórónaveiru-status sínum en hann hefði getað látið sig dreyma um án þess að fá breska auglýsingastofu til að setja upp gulan hátalara í Landmannalaugum. Ég ætla að fá mér annan kaffibolla.“ Bandaríkin Donald Trump Samfélagsmiðlar Faraldur kórónuveiru (COVID-19) Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það er enginn sem verndar son okkar“ Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Eiríkur og Ástþór fá frest til að bæta við undirskriftum Innlent Fleiri fréttir Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkisstjórn eftir eigin höfði Halla Hrund mælist með mest fylgi allra frambjóðenda Sjá meira
Tíst Jeffrey Ross Gunters, bandaríska sendiherrans á Íslandi í gærkvöldi, hefur vakið upp sannkallaða reiðiöldu á samfélagsmiðlum, ekki síst á Twitter þar sem Gunter fær það óþvegið. Í færslu sinni skrifar Gunter „Við stöndum sameinuð í baráttunni við ósýnilegu Kínaveiruna.“ Fyrir aftan skilaboðin setur hann síðan tjákn bandaríska fánans við hlið þess íslenska. Tvittersamfélagið hellir sér yfir Gunter Athugasemdir hafa hrannast upp þar sem Gunter eru ekki vandaðar kveðjurnar. Smári McCarthy þingmaður er þeirra á meðal og hann segir bendir sendiherranum mynduglega á að vírusinn heiti SARS-CoV-2. Og vírusa beri ekki að kenna við þjóðerni. Né sé vírus ósýnilegur heldur örsmár. Við erum öll á sama báti hvað varðar vírusinn og það að kenna hann við tiltekið þjóðerni hjálpi ekki upp á sakirnar. „Gerðu svo vel að blanda Íslandi ekki saman við slíkan þvætting, takk,“ segir Smári sem ritar athugasemd sína á ensku. Twittersamfélagið telur enga ástæðu til að vanda tal sitt eða setja skoðun sína fram kurteislega. Gunter er kallaður öllum illum nöfnum, sagður fábjáni og raisisti. Er hann hvattur til að eyða þessu tísti sínu og sagt að snauta til síns heima. Dæmi um athugasemdir við Twitterfærslu sendiherrans. Hann fær það óþvegið á samfélagsmiðlum. Þorvaldur Sverrisson auglýsingamaður með meiru segir að á Íslandi sé kórónuveiran ekki kölluð Kína-veiran, vegna þess að það sé rasískt og fábjánalegt. Enn annar sem leggur orð í belg, og vandar um við sendiherrann, er Gunnar Helgason rithöfundur, leikari og leikstjóri. Hann spyr hvort Gunther sjái einhver mun á stöðu mála í þessum tveimur löndum sem fánarnir vísa til. Annað landið sé starfhæft en hitt ekki. „Hvoru landinu er stjórnað af fábjána?“ spyr Gunnar. Taglhnýtingur Trumps Þannig gengur dælan. Á Facebook fordæmir Egill Helgason sjónvarpsmaður tíst sendiherrans og segir hann taglhnýting Trumps: „Þessi sendiherra, sem er ekki diplómati heldur borgaði ríkulega í kosningasjóð Trumps, ætti að skilja að hér á Íslandi höfum við ekki talað um Kínavírus. Það er líka ansi mikill munur á því hvernig við og Bandaríkjamenn höfum höndlað vírusinn. Hér hafa vísindamenn ráðið ferðinni. Í Bandaríkjunum sæta vísindamenn árásum.“ Helga Vala Helgadóttir þingmaður, segir þar í athugasemd, að hún sé alla jafna ekkert „sérstaklega viðkvæm fyrir notkun íslenska fánans en mér finnst glatað að sjá hann í þessum tilgangi undir persónufornafninu “við” (we)“ Forsmáir íslenska fánann með hinu rasíska samhengi Enn einn þingmaðurinn sem fordæmir framsetningu Jeffrey Ross Gunters sendiherra, og það á Facebook, er Ágúst Ólafur Ágústsson. Honum sárnar þessi notkun á íslenska fánanum og þannig fær þessi útreið sem Gunter fær á sig öfugsnúinn þjóðernislegan svipmót: „Að sendiherra Bandaríkjanna á Íslandi leyfi sér að vísa í íslenska fánann í sömu andrá og hann skrifar að “við” séum “sameinuð” gegn “invisible China virus” er rasískt og heimskulegt rugl. Ég vil því óska eftir að þessi sendiherra noti ekki íslenska fánann í þessum tilgangi.“ Stefán Pálsson sagnfræðingur, einn helsti stuðingsmaður Vinstri grænna og þar með ríkisstjórnarinnar, hefur haft hægt um sig á samfélagsmiðlum eftir að flokkur hans komst í stjórn. Hann lætur sér nægja að horfa yfir sviðið með spekingslegum svip um leið og hann sparkar í Gunter: „Þökk sé réttsýnu fólki á samfélagsmiðlum er þessi furðulegi bandaríski sendiherra búinn að fá meiri dreifingu á kórónaveiru-status sínum en hann hefði getað látið sig dreyma um án þess að fá breska auglýsingastofu til að setja upp gulan hátalara í Landmannalaugum. Ég ætla að fá mér annan kaffibolla.“
Bandaríkin Donald Trump Samfélagsmiðlar Faraldur kórónuveiru (COVID-19) Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það er enginn sem verndar son okkar“ Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Eiríkur og Ástþór fá frest til að bæta við undirskriftum Innlent Fleiri fréttir Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkisstjórn eftir eigin höfði Halla Hrund mælist með mest fylgi allra frambjóðenda Sjá meira