Fylkir vann sinn annan leik í röð gegn Fjölni í Grafarvoginum í dag. Lokatölur 1-2 Fylki í vil.
Heimamenn voru meira með boltann til að byrja með en Fylkismenn beittu skyndisóknum.
Á 29. mínútu fengu gestirnir í Fylki vítaspyrnu sem Valdimar Þór Ingimundarson skoraði úr af miklu öryggi.
Hákon Ingi Jónsson tvöfaldaði forystu Fylkis á 53. mínútu þegar Hans Viktor í vörn Fjölnis hittir ekki boltann eftir langa sendingu Fylkis fram á við og boltinn berst til Hákons sem skorar auðveldlega framhjá Atla í marki Fjölnis.
Á síðasta andartaki leiksins skoraði Fjölnir sárabótarmark þegar Sigurpáll Melberg Pálsson skallaði boltann í netið eftir hornspyrnu en lokatölur eins og áður segir 1-2 fyrir Fylki.
Fylkir er eftir leikinn í 5. sæti með sex stig en Fjölnir eru í 11. sæti með eitt stig eftir fjórar umferðir í Pepsi Max deildinni.
Í næstu umferð fær Fjölnir Gróttu í heimsókn á meðan Fylkir tekur á móti KA.
