Innlent

Mennirnir tveir ekki smitaðir

Sunna Sæmundsdóttir skrifar
Lögregla leitar enn af einum af þremur mönnum sem lýst var eftir í gær.
Lögregla leitar enn af einum af þremur mönnum sem lýst var eftir í gær. Vísir/Vilhelm

Rúmensku mennirnir tveir sem fundust á hótelum á höfuðborgarsvæðinu eftir að lögregla lýsti eftir þeim reyndust ekki vera smitaðir af kórónuveirunni samkvæmt niðurstöðu úr sýnatöku. Þetta segir Rögnvaldur Ólafsson, verkefnastjóri hjá almannavarnadeild ríkislögreglustjóra. 

Mennirnir eru enn í haldi lögreglunnar á höfuðborgarsvæðinu og til skoðunar er hvort þeir hafi brotið reglur um sóttkví, eða verið í sóttkví frá heimkomu.

Þeir komu til landsins á þriðjudag frá Lundúnum í sex manna hópi. Eftir að þrír þeirra voru handteknir vegna þjófnaðar úr verslunum á Selfossi kom í ljós að tveir reyndust smitaðir af kórónuveirunni. Þar sem mennirnir ferðuðust saman til landsins voru þeir allir útsettir fyrir smiti.

Lýst var eftir þremur mönnum úr hópnum í gær og enn hefur ekkert spurst til eins þeirra. Hann heitir Pioaru Alexandru Ionut og hefur lögregla lagt mikla áherslu á leitina í dag enda er uppi grunur um að hann sé smitaður af veirunni. 

Pioaru Alexandru Ionut kom til landsins fyrripart síðustu viku í sex manna hópi.Lögreglan


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×