Spáir því að Íslendingar fljúgi á rafmagni innan 7 til 8 ára Kristján Már Unnarsson skrifar 9. júní 2020 23:24 Friðrik Pálsson er áhugamaður um rafvæðingu flugsins. Stöð 2/Einar Árnason. Rafmagnsbylting er framundan í flugsamgöngum, að mati flugáhugamannsins Friðriks Pálssonar, sem spáir því að rafknúnar flugvélar verði farnar að fljúga í innanlandsfluginu innan sjö til átta ára. Fjallað var um málið í fréttum Stöðvar 2. Tímamót urðu í þróun rafmagnsflugvéla fyrir tveimur vikum þegar Cessna Grand Caravan, knúin rafmagnshreyfli, hóf sig til flugs í Bandaríkjunum. Nafn hennar gæti verið íslenskt, hún heitir Magni X, og er stærsta rafknúna flugvél heims til þessa, með sæti fyrir níu farþega. Magni X varð stærsta rafmagnsflugvél heims þegar hún flaug í fyrsta sinn fyrir tveimur vikum í Washington-ríki í Bandaríkjunum.Skjáskot/Stöð 2. En það er ekki víst að hún haldi metinu lengi því fyrirtæki eins og Airbus eru á fullu að þróa rafmagnsmótora til að prófa á stærri þotum. Það er þó talið líklegast að nítján sæta vél frá sænska fyrirtækinu Heart Aerospace valdi byltingunni. Framleiðendur hennar stefna að því að hún verði komin með leyfi til farþegaflugs eftir fimm ár, árið 2025. Sænsku rafmagnsflugvélinni ES-19 er ætlað að hefja farþegaflug eftir fimm ár, árið 2025.Mynd/Heart Aerospace. „Það er talað um að jafnvel 200 manna vélar verði farnar að fljúga innan tíu ára. Það eru litlar vélar farnar að fljúga strax í dag. Það eru fyrstu vélarnar byrjaðar að fara í áætlunarflug á styttri leiðum,“ segir Friðrik, sem er áhugamaður um rafvæðingu flugsins. Friðrik kveðst sannfærður um að þetta sé framtíðin. Rafmagnsflugvélar séu hljóðlátar og gríðarlega hagkvæmar, tugum prósenta hagkvæmari heldur en aðrar vélar. Með rafgeymum þurfi þær ekki að bera þungan eldsneytisfarm. E-Fan-X kallast þetta samstarfsverkefni Airbus, Rolls-Royce og Siemens. Þau prófa sig áfram með því að nota einn rafmagnshreyfil á móti þremur hefðbundnum hreyflum á þotu af gerðinni BAe 146.Mynd/Airbus. „Það er algjör rafmagnsbylting framundan. Og ég get talað af eigin reynslu því ég var svo heppinn, sem gamall flugmaður, að fá að fljúga lítilli flugvél úti í Noregi í fyrra. Ég er búinn að keyra rafmagnsbíl í tæp sjö ár. Það er bylting. En byltingin í fluginu, hún verður miklu meiri. Og hún verður svo spennandi að það er full ástæða fyrir fólk að fara að kynna sér þetta fljótt, sér í lagi borgarstjórn Reykjavíkur,“ segir Friðrik, sem á sínum tíma leiddi undirskriftasöfnun til stuðnings flugvelli í Vatnsmýri. En gætu rafmagnsflugvélar breytt afstöðu borgaryfirvalda til flugvallarins? Ekki segir Sigurborg Ósk Haraldsdóttir, formaður skipulags- og samgönguráðs Reykjavíkur. Sigurborg Ósk Haraldsdóttir, borgarfulltrúi Pírata og formaður skipulags- og samgönguráðs borgarinnar.Stöð 2/Arnar Halldórsson. „Það er mjög spennandi þróun sem á sér stað, svo sannarlega. En hún breytir ekki í grundvallaratriðum rúmfræðinni, það er að segja: Við þurfum að stytta vegalengdir hjá fólki í Reykjavík. Við þurfum að byggja í Vatnsmýrinni til þess að bæta borgina, til þess að styrkja miðbæinn og til þess að takast á við loftlagsbreytingar. Það breytir því ekki,“ segir Sigurborg. Friðrik bendir á að ef fólki sé annt um umhverfið ætti það að tryggja að rými verði fyrir rafmagnsflug. „Þú verður að horfa á framtíðina. Þú verður að horfa á hvað er að gerast framundan. Og ef við horfum fram á það, sem er ekki efi í mínum huga, að flugið verður umhverfisvænsti ferðamátinn, þá þurfum við að passa upp á það að skapa honum það vægi og það pláss sem hann þarf.“ Sænsku vélinni er ætlað að flytja nítján farþega til áfangastaða í allt að 400 kílómetra fjarlægð. „Þannig að þetta hentar afskaplega vel hér til dæmis innanlands á Íslandi. Þetta er miklu nær í tíma en ég þori eiginlega bara að segja. Ég hugsa að innan bara sjö til átta ára þá verðum við farin að fljúga á rafmagni hér innanlands,“ segir Friðrik. En finnst Sigurborgu líklegt að flugvöllurinn sé að fara á næstu árum? „Já, svo sannarlega,“ er svar hennar. Hér má sjá frétt Stöðvar 2: Reykjavíkurflugvöllur Fréttir af flugi Umhverfismál Skipulag Samgöngur Airbus Orkumál Loftslagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Brosandi þótt aftur sé ekið á flugvél Verzlinga Innlent Meðhöndlarinn farinn að nudda á Kvíabryggju Innlent Höllurnar taka forystuna en aðeins hársbreidd á milli þeirra og Katrínar Innlent Taldir hafa sviðsett árekstur í Hafnarfirði Innlent „Þetta er bara eins og að finna gull“ Innlent Börnin eru fundin Innlent Forsetavaktin 2024: Hver verður sjöundi forseti lýðveldisins? Innlent Andrea Kristín enn dæmd í fangelsi Innlent Dúxaði í Verzló með tíu í einkunn og ári á undan í skóla Innlent Flugferð aflýst eftir að þjónustubíll rakst í flugvél Innlent Fleiri fréttir Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu en Ásdís með flesta fylgjendur Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Höllurnar taka forystuna en aðeins hársbreidd á milli þeirra og Katrínar Höfðu afskipti af manni sem var að „bera sig og hrista“ Fluttur slasaður frá Selfossi með þyrlu Landhelgisgæslunnar 78 snúninga plötuspilarar frá 1916 og 1933 í Skógum Fundu loks heitt vatn í Tungudal Dæmi um að börn þori ekki út í frímínútur Tveir bílar skullu saman á Reykjanesbraut Þakka að ekki fór verr í rútuslysi og hafnfirsk börn þora varla út Ágreiningur um túlkun sem nái inn á borð ríkisstjórnarinnar Segir veginn ekki hafa gefið sig Vilja nýtt hjúkrunarheimili í Vík í Mýrdal Sjá meira
Rafmagnsbylting er framundan í flugsamgöngum, að mati flugáhugamannsins Friðriks Pálssonar, sem spáir því að rafknúnar flugvélar verði farnar að fljúga í innanlandsfluginu innan sjö til átta ára. Fjallað var um málið í fréttum Stöðvar 2. Tímamót urðu í þróun rafmagnsflugvéla fyrir tveimur vikum þegar Cessna Grand Caravan, knúin rafmagnshreyfli, hóf sig til flugs í Bandaríkjunum. Nafn hennar gæti verið íslenskt, hún heitir Magni X, og er stærsta rafknúna flugvél heims til þessa, með sæti fyrir níu farþega. Magni X varð stærsta rafmagnsflugvél heims þegar hún flaug í fyrsta sinn fyrir tveimur vikum í Washington-ríki í Bandaríkjunum.Skjáskot/Stöð 2. En það er ekki víst að hún haldi metinu lengi því fyrirtæki eins og Airbus eru á fullu að þróa rafmagnsmótora til að prófa á stærri þotum. Það er þó talið líklegast að nítján sæta vél frá sænska fyrirtækinu Heart Aerospace valdi byltingunni. Framleiðendur hennar stefna að því að hún verði komin með leyfi til farþegaflugs eftir fimm ár, árið 2025. Sænsku rafmagnsflugvélinni ES-19 er ætlað að hefja farþegaflug eftir fimm ár, árið 2025.Mynd/Heart Aerospace. „Það er talað um að jafnvel 200 manna vélar verði farnar að fljúga innan tíu ára. Það eru litlar vélar farnar að fljúga strax í dag. Það eru fyrstu vélarnar byrjaðar að fara í áætlunarflug á styttri leiðum,“ segir Friðrik, sem er áhugamaður um rafvæðingu flugsins. Friðrik kveðst sannfærður um að þetta sé framtíðin. Rafmagnsflugvélar séu hljóðlátar og gríðarlega hagkvæmar, tugum prósenta hagkvæmari heldur en aðrar vélar. Með rafgeymum þurfi þær ekki að bera þungan eldsneytisfarm. E-Fan-X kallast þetta samstarfsverkefni Airbus, Rolls-Royce og Siemens. Þau prófa sig áfram með því að nota einn rafmagnshreyfil á móti þremur hefðbundnum hreyflum á þotu af gerðinni BAe 146.Mynd/Airbus. „Það er algjör rafmagnsbylting framundan. Og ég get talað af eigin reynslu því ég var svo heppinn, sem gamall flugmaður, að fá að fljúga lítilli flugvél úti í Noregi í fyrra. Ég er búinn að keyra rafmagnsbíl í tæp sjö ár. Það er bylting. En byltingin í fluginu, hún verður miklu meiri. Og hún verður svo spennandi að það er full ástæða fyrir fólk að fara að kynna sér þetta fljótt, sér í lagi borgarstjórn Reykjavíkur,“ segir Friðrik, sem á sínum tíma leiddi undirskriftasöfnun til stuðnings flugvelli í Vatnsmýri. En gætu rafmagnsflugvélar breytt afstöðu borgaryfirvalda til flugvallarins? Ekki segir Sigurborg Ósk Haraldsdóttir, formaður skipulags- og samgönguráðs Reykjavíkur. Sigurborg Ósk Haraldsdóttir, borgarfulltrúi Pírata og formaður skipulags- og samgönguráðs borgarinnar.Stöð 2/Arnar Halldórsson. „Það er mjög spennandi þróun sem á sér stað, svo sannarlega. En hún breytir ekki í grundvallaratriðum rúmfræðinni, það er að segja: Við þurfum að stytta vegalengdir hjá fólki í Reykjavík. Við þurfum að byggja í Vatnsmýrinni til þess að bæta borgina, til þess að styrkja miðbæinn og til þess að takast á við loftlagsbreytingar. Það breytir því ekki,“ segir Sigurborg. Friðrik bendir á að ef fólki sé annt um umhverfið ætti það að tryggja að rými verði fyrir rafmagnsflug. „Þú verður að horfa á framtíðina. Þú verður að horfa á hvað er að gerast framundan. Og ef við horfum fram á það, sem er ekki efi í mínum huga, að flugið verður umhverfisvænsti ferðamátinn, þá þurfum við að passa upp á það að skapa honum það vægi og það pláss sem hann þarf.“ Sænsku vélinni er ætlað að flytja nítján farþega til áfangastaða í allt að 400 kílómetra fjarlægð. „Þannig að þetta hentar afskaplega vel hér til dæmis innanlands á Íslandi. Þetta er miklu nær í tíma en ég þori eiginlega bara að segja. Ég hugsa að innan bara sjö til átta ára þá verðum við farin að fljúga á rafmagni hér innanlands,“ segir Friðrik. En finnst Sigurborgu líklegt að flugvöllurinn sé að fara á næstu árum? „Já, svo sannarlega,“ er svar hennar. Hér má sjá frétt Stöðvar 2:
Reykjavíkurflugvöllur Fréttir af flugi Umhverfismál Skipulag Samgöngur Airbus Orkumál Loftslagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Brosandi þótt aftur sé ekið á flugvél Verzlinga Innlent Meðhöndlarinn farinn að nudda á Kvíabryggju Innlent Höllurnar taka forystuna en aðeins hársbreidd á milli þeirra og Katrínar Innlent Taldir hafa sviðsett árekstur í Hafnarfirði Innlent „Þetta er bara eins og að finna gull“ Innlent Börnin eru fundin Innlent Forsetavaktin 2024: Hver verður sjöundi forseti lýðveldisins? Innlent Andrea Kristín enn dæmd í fangelsi Innlent Dúxaði í Verzló með tíu í einkunn og ári á undan í skóla Innlent Flugferð aflýst eftir að þjónustubíll rakst í flugvél Innlent Fleiri fréttir Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu en Ásdís með flesta fylgjendur Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Höllurnar taka forystuna en aðeins hársbreidd á milli þeirra og Katrínar Höfðu afskipti af manni sem var að „bera sig og hrista“ Fluttur slasaður frá Selfossi með þyrlu Landhelgisgæslunnar 78 snúninga plötuspilarar frá 1916 og 1933 í Skógum Fundu loks heitt vatn í Tungudal Dæmi um að börn þori ekki út í frímínútur Tveir bílar skullu saman á Reykjanesbraut Þakka að ekki fór verr í rútuslysi og hafnfirsk börn þora varla út Ágreiningur um túlkun sem nái inn á borð ríkisstjórnarinnar Segir veginn ekki hafa gefið sig Vilja nýtt hjúkrunarheimili í Vík í Mýrdal Sjá meira