Íslenski boltinn

Pepsi Max kvenna eftir 3 daga: Þriðja markahæsta lið deildarinnar féll í fyrra

Óskar Ófeigur Jónsson skrifar
Keflavíkurkonur fagna einu af þrjátíu mörkum sínum í Pepsi Max deild kvenna í fyrra. Á myndinni fá sjá þrjá markahæstu leikmenn liðsins. Sophie Mc Mahon Groff tekur á móti Sveindísi Jane Jónsdóttur en aðrir leikmenn faðma Natasha Moraa Anasi.
Keflavíkurkonur fagna einu af þrjátíu mörkum sínum í Pepsi Max deild kvenna í fyrra. Á myndinni fá sjá þrjá markahæstu leikmenn liðsins. Sophie Mc Mahon Groff tekur á móti Sveindísi Jane Jónsdóttur en aðrir leikmenn faðma Natasha Moraa Anasi. Vísir/Daníel Þór

Íslandsmótið í knattspyrnu byrjar með opnunarleik Pepsi Max deildar kvenna 12. júní. Það er mikil spenna fyrir því að boltinn fari aftur að rúlla en lengsta undirbúningstímabil í fótboltaheiminum varð enn lengra þökk sé kórónuveirunni.

Vísir ætlar að telja niður í fyrsta leik með því að rifja upp eitt og annað tengu úrvalsdeild kvenna í knattspyrnu. Í dag eru 3 dagar í fyrsta leikinn sem verður á milli Vals og KR á Hlíðarenda 12. júní næstkomandi.

Það var svo sannarlega ekki sóknarleikurinn sem felldi Keflavíkurkonur í Pepsi Max deild kvenna síðasta sumar.

Það voru aðeins taplausu toppliðin, Íslandsmeistarar Vals og silfurlið Breiðabliks, sem skoruðu fleiri mörk en Keflavíkurliðið.

Keflavík skoraði þannig sex mörkum meira en Selfoss sem varð í þriðja sæti og tók bikarmeistaratitilinn.

Keflavíkurliðið skoraði helming marka sinna í sigurleikjunum fjórum þar af níu í sigrum á KR (4-0) og Stjörnunni (5-0) í tveimur leikjum í röð í júní.

Miklu munaði um hina átján ára gömlu Sveindísi Jane Jónsdóttur sem var með 7 mörk, 8 stoðsendingar og 2 víti og kom alls að 17 mörkum Keflavíkurliðsins með beinum hætti. Hún átti líka þátt í undirbúningi fimm marka í vibót og Keflavíkurliðið skoraði því aðeins átta mörk án þess að hún kæmi við sögu.

Keflavíkurliðið setti með þessu nýtt met og bætti það gamla um heil sjö mörk. Aldrei hefur lið fallið úr tíu liða efstu deild kvenna með jafnmörg mörk. Gamla metið átti Fylkisliðið frá 2012 en þá dugði það þeim ekki að skora 23 mörk.

Flest mörk í Pepsi Max deild kvenna 2019:

  • 1. Valur 65
  • 2. Breiðablik 54
  • 3. Keflavík 30
  • 4. Þór/KA 29
  • 4. ÍBV 29
  • 6. Selfoss 24
  • 6. KR 24
  • 8. Fylkir 22
  • 9. Stjarnan 21
  • 10. HK/Víkingur 12

Flest mörk falliða í tíu liða úrvalsdeild kvenna (2008-2019):

  • 30 - Keflavík, 2019
  • 23 - Fylkir, 2012
  • 21 - FH, 2010
  • 20 - HK/Víkingur, 2013
  • 20 - Grindavík, 2011
  • 20 - HK/Víkingur 2008
  • 19 - Þróttur R., 2011
  • 18 - FH, 2018
  • 18 - Selfoss, 2016
  • 18 - FH 2014



Fleiri fréttir

Sjá meira


×