Sport

Katrín Tanja á topp fimmtíu listanum yfir bestu íþróttamenn allra tíma

Óskar Ófeigur Jónsson skrifar
Katrín Tanja Davíðsdóttir verður á meðal keppenda á heimsleikunum í ágúst þar sem hún reynir við þriðja heimsmeistaratitilinn sinn.
Katrín Tanja Davíðsdóttir verður á meðal keppenda á heimsleikunum í ágúst þar sem hún reynir við þriðja heimsmeistaratitilinn sinn. Instagram/Katrintanja

Íþróttaáhugafólk fékk nýverið tækifæri til að kjósa besta íþróttamann allra tíma á Ranker síðunni og það var ekki mikill vafi á því hver fólki þykir vera sá besti.

Við Íslendingar höfum hins vegar örugglega mjög gaman af því að lesa þennan lista með öllu þessum frábæra íþróttafólki því íslenska CrossFit drottningin Katrín Tanja Davíðsdóttir komst í þennan stórkostlega hóp.

Vinsældir þessa besta og efsta á lista eru hins vegar óumdeilanlegir því bandaríski hnefaleikakappinn Muhammad Ali rústaði kosningunni.

Muhammad Ali átti magnaðar feril í hnefaleikunum og var líka mjög litríkur og skemmtilegur utan hringsins. Hann er enn metin mikils meðal íþróttaáhugafólks.

Muhammad Ali fékk yfirburðarkosningu en næstu á eftir hans 47.187 atkvæðum var íshokkímaðurinn Wayne Gretzky með 29.393 atkvæði.

Nafn Michael Jordan hefur verið mikið í fréttum að undanförnu vegna The Last Dance heimildaþáttanna þar sem kemur vel í ljóst hversu magnaður íþróttamaður hann var.

Það dugði samt ekki Jordan nema upp í sjöunda sætið og sex íþróttamenn þykja standa honum framar í íþróttasögunni. Þeir eru tennismaðurinn Roger Federer, spretthlauparinn Usain Bolt, spretthlauparinn og langstökkvarinn Carl Lewis og fótboltamaðurinn Joe Montana (NFL).

Næst á eftir Michael Jordan er efsta konan á listanum sem er tenniskonan Serena Williams en hún er á undan bæði körfuboltamanninum Wilt Chamberlain og hnefaleikakappanum Mike Tyson.

Ein af konunum sem komast inn á topp fimmtíu er íslenska CrossFit drottningin Katrín Tanja Davíðsdóttir sem er í 47. sæti á listanum á milli fótboltamannsins Fritz Walter og tenniskappans Ivan Lendl. Katrín Tanja er aðeins þremur sætum á eftir knattspynrnugoðsögninni Pele.

Aðrar konur á topp fimmtíu listanum ásamt Katrínu Tönju og Serena Williams eru skíðakonurnar Janica Kostelic, Annemarie Moser-Proll og Magdalena Forsberg, tenniskonurnar Monica Seles og Martina Navratilova og svo frjálsíþróttakonan Sally McLellan.

Katrín Tanja Davíðsdóttir er tvöfaldur heimsmeistari í CrossFit en hefur líka verið í stóru sendiherrahlutverki fyrir íþrótt sína. Katrín Tanja hefur verið dugleg að koma fram fyrir CrossFit íþróttina, var fyrst í sinni grein til að sitja fyrir í Body-blaði ESPN og var líka fulltrúi CrossFit á ráðstefnu ESPN um kvennaíþróttir.

Þessi listi er meira gerður til gamans en að hann sé eitthvað endanlegt mat á afrekum íþróttafólksins. Þetta er umfram allt vinsældarlist og það er ljós að okkar kona er vinsæl samkvæmt þessari kosningu.

Fimmtíu bestu íþróttamenn sögunnar samkvæmt kosningu Ranker:

  • 50. Magdalena Forsberg (Skíði)
  • 49. Karl-Heinz Schnellinger (Fótbolti)
  • 48. Fritz Walter (Fótbolti)
  • 47. Katrín Tanja Davíðsdóttir (CrossFit)
  • 46. Ivan Lendl (Tennis)
  • 45. Goran Ivanisevic (Tennis)
  • 44. Pele (Fótbolti)
  • 43. Sally McLellan (Frjálsar íþróttir)
  • 42. Sugar Ray Leonard (Hnefaleikar)
  • 41. Mario Lemieux (Íshokkí)
  • 40. Georges Miez (Fimleikar)
  • 39. Tony Hawk (Hjólabretti)
  • 38. George Foreman (Hnefaleikar)
  • 37. Marc Girardelli (Skíði)
  • 36. Rafael Nadal (Tennis)
  • 35. Michael Johnson (Frjálsar íþróttir)
  • 34. Zvonimir Boban (Fótbolti)
  • 33. Nicklas Lidstrom (Íshokkí)
  • 32. Annemarie Moser-Proll (Skíði)
  • 31. Niki Lauda (Formúla eitt)
  • 30. Matti Nykanen (Skíðastökk)
  • 29. Rocky Marciano (Hnefaleikar)
  • 28. Lou Gehrig (Hafnarbolti)
  • 27. Joe DiMaggio (Hafnarbolti)
  • 26. Jack Nicklaus (Golf)
  • 25. Monica Seles (Tennis)
  • 24. Martina Navratilova (Tennis)
  • 23. Ayrton Senna (Formúla eitt)
  • 22. Bjorn Daehlie (Skíði)
  • 21. Larry Bird (Körfubolti)
  • 20. Janica Kostelic (Skíði)
  • 19. Babe Ruth (Hafnarbolti)
  • 18. Jesse Owens (Frjálsar íþróttir)
  • 17. Lionel Messi (Fótbolti)
  • 16. Bill Russell (Körfubolti
  • 15. Diego Maradona (Fótbolti)
  • 14. Michael Phelps (Sund
  • 13. LeBron James (Körfubolti)
  • 12. Kareem Abdul-Jabbar (Körfubolti
  • 11. Magic Johnson (Körfubolti
  • 10. Mike Tyson (Hnefaleikar)
  • 9. Wilt Chamberlain (Körfubolti)
  • 8. Serena Williams (Tennis)
  • 7. Michael Jordan (Körfubolti)
  • 6. Joe Montana (Amerískur fótbolti)
  • 5. Carl Lewis (Frjálsar íþróttir)
  • 4. Usain Bolt (Frjálsar íþróttir)
  • 3. Roger Federer (Tennis)
  • 2. Wayne Gretzky (Íshokkí)
  • 1. Muhammad Ali (Hnefaleikar)


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.