Innlent

Maðurinn sem hand­tekinn var við bakka Ölfus­ár laus úr haldi

Atli Ísleifsson skrifar
Frá leitaraðgerðum í Ölfusá í nótt.
Frá leitaraðgerðum í Ölfusá í nótt. Vísir/Jóhann K.

Rúmlega tvítugur karlmaður sem handtekinn var í nótt vegna útkalls að Ölfusá hefur verið látinn laus úr haldi lögreglu.

Þetta kemur fram í tilkynningu frá lögreglunni á Suðurlandi. Maðurinn hafði hringt í Neyðarlínuna og tilkynnt að hann hefði fallið í Ölfusá, en reyndist svo fylgjast með björgunaraðgerðum úr felum.

Í tilkynningunni segir að hann hafi kannast við að hafa hringt eftir aðstoð lögreglu vegna málsins og gefið sínar skýringar á útkallinu.

„Málið telst upplýst og fer nú sína leið til ákæruvalds til ákvörðunar um framhald þess,“ segir í tilkynningunni.

Mikill viðbúnaður var hjá öllum viðbragðsaðilum í Árnessýslu eftir að tilkynningin barst til lögreglu um klukkan hálf eitt í nótt. 

Allar björgunarsveitir í Árnessýslu, auk lögreglu, sjúkraflutningamanna og slökkviliðs var kallað út og voru bátar sendir út til leitar. Þá var leitað úr lofti með drónum og frá landi með hitamyndavél.


Tengdar fréttir

Fannst í felum í runna við Ölfusá

Karlmaður um tvítugt gisti fangageymslur á Selfossi í nótt eftir að hafa verið staðinn að því að plata lögregluna. Karlmaðurinn hringdi í Neyðarlínuna og tilkynnti að hann hefði fallið í Ölfusá en reyndist svo fylgjast með björgunaraðgerðum úr felum.

Handtekinn eftir að hafa tilkynnt um að maður hefði fallið í Ölfusá

Mikill viðbúnaður var hjá öllum viðbragðsaðilum í Árnessýslu eftir að tilkynning barst til lögreglu um að maður hefði fallið í Ölfusá í nótt. Tilkynningin og málið allt reyndist gabb frá upphafi. Haft var upp á tilkynnanda og var hann handtekinn vegna málsins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.