Innlent

69 starfsmenn Landspítala nú í sóttkví

Hrund Þórsdóttir skrifar
69 starfsmenn Landspítalans eru nú í sóttkví og 9 í einangrun.
69 starfsmenn Landspítalans eru nú í sóttkví og 9 í einangrun.

69 starfsmenn Landspítalans eru nú í sóttkví en þeir voru 40 í gær. Þá eru 9 starfsmenn spítalans í einangrun. Þetta kemur fram í tilkynningu frá farsóttanefnd Landspítalans, á heimasíðu hans.

Páll Matthíasson, forstjóri Landspítalans, sagði í gær að þessi fjöldi starfsmanna í sóttkví hefði skiljanlega áhrif á starfsemi spítalans og nú hafa 29 bæst við. Páll sagði þó einnig í gær að von væri á nokkrum starfsmönnum úr sóttkví og til vinnu á næstu dögum.

Engir sjúklingar liggja nú inni á spítalanum vegna COVID-19 veikinda en fjórir hafa verið lagðir inn í sóttkví. 21 skurðaðgerð var frestað á spítalanum í gær vegna sóttkvíar eða einangrunar starfsmanna.

Wuhan-veiran Heilbrigðismál Landspítalinn

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið