Innlent

Féll við eggjatínslu í Úlfarsfelli

Samúel Karl Ólason og Jóhann K. Jóhannsson skrifa
Slökkvilið höfuðborgarsvæðisins var með töluverðan viðbúnað vegna málsins í kvöld. Auk slökkviliðsmanna komu björgunarsveitarmenn að aðgerðum.
Slökkvilið höfuðborgarsvæðisins var með töluverðan viðbúnað vegna málsins í kvöld. Auk slökkviliðsmanna komu björgunarsveitarmenn að aðgerðum. Vísir/Jóhann K.

Björgunarsveitir Landsbjargar og sjúkrabílar frá Slökkviliði höfuðborgarsvæðisins voru kallaðir til í kvöld eftir að maður féll í Úlfarsfelli. Samkvæmt upplýsingum frá slökkviliðinu var maðurinn við eggjatínslu og hlaut hann áverka á fæti.

Búið er að koma honum niður af Úlfarsfelli og var hann fluttur á sjúkrahús.

Kristján Sigurðsson, aðstoðarvarðstjóri hjá Slökkviliði höfuðborgarsvæðisins.Vísir/Jóhann

Maðurinn féll í beinni sjónlínu frá slökkvistöðinni í Mosfellsbæ og þar höfðu slökkviliðsmenn fylgst með honum og þeim sem voru með honum. Kristján Sigurðsson, aðstoðarvarðstjóri hjá Slökkviliði höfuðborgarsvæðisins, segir þá í raun hafa átt von á útkallinu.

„Þannig að við fórum af stað frá þessari stöð og fengum aðstoð frá Tunguháls-stöðinni okkar. Það var nokkuð greið leið að manninum en nokkuð laust í fjallinu," segir Kristján.

Hann segir manninn líklega hafa fallið af syllu en hann hafi verið í góðu ástandi. Fallið segir Kirstján að hafi ekki verið mjög hátt. Maðurinn hafi þó rúllað tíu til tuttugu metra niður hlíðina.

Maðurinn féll þónokkra metra en slapp betur en á horfðist í fyrstu.Vísir/Jóhann K.
Slökkviliðsmenn sem starfa á slökkvistöðinni í Mosfellsbæ voru fljótir á vettvang enda stöðin í beinni sjónlínu frá slysstað.Vísir/Jóhann K.
Björgunarsveitarmenn aðstoðuðu á vettvangi í kvöld.Vísir/Jóhann K.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×