Veður

Bjartviðri sunnan- og vestanlands í dag

Vésteinn Örn Pétursson skrifar
Kortið sýnir veðurspá fyrir landið á hádegi í dag.
Kortið sýnir veðurspá fyrir landið á hádegi í dag. Skjáskot/Veðurstofan

Spáð er austan 8 til 15 metrum á sekúndum í dag. Hvassast verður með suðurströndinni en hægari norðaustantil. Bjartviðri verður um landið sunnan- og vestanvert. Búast má við stöku skúri norðan- og austantil, en léttir til í kvöld. Þetta kemur fram á vef veðurstofu Íslands.

Á morgun verður austlæg eða breytileg átt, 3 til 10 metrar á sekúndu, en 10 til 15 syðst. Víða verður léttskýjað, en stöku skúr austanlands. Hitastig verður á bilinu 3 til 12 stig. Svalast verður á Norðaustur- og Austurlandi.

Hér að neðan má sjá veðurhorfur á landinu næstu daga:

Á mánudag: Austan 3-8 m/s og víða bjartviðri, en 8-13 og stöku skúrir við suðurströndina. Hiti 4 til 12 stig, hlýjast á Norður- og Vesturlandi.

Á þriðjudag: Fremur hæg austlæg eða breytileg átt og bjart með köflum. Hiti 4 til 12 stig, hlýjast norðan- og vestanlands.

Á miðvikudag: Ákveðin suðaustlæg átt og rigning, en hægari og væta með köflum norðanlands. Hiti breytist lítið.

Á fimmtudag: (uppstigningardagur): Suðlæg átt og dálítil væta í flestum landshlutum, en léttir til er líður á daginn. Hlýnandi.

Á föstudag: Austlæg átt, bjart með köflum og hlýtt veður.

Á laugardag: Útlit fyrir austanátt með vætu austantil, en léttskýjað vestanlands.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.