Þáttur dagsins í #höldumáfram er með Kolbrúnu Þöll Þorradóttur, einni fremstu fimleikakonu landsins.
Hér fer Kolbrún Þöll yfir góða heimaæfingu sem er fyrir hvern sem er.
Þetta er alhliða styrktaræfing fyrir allan líkamann sem er auðveld í framkvæmd.
Kolbrún Þöll er fimleikakona í Stjörnunni og hefur verið í fremstu röð í fimleikum á Íslandi í nokkur ár. Hún hefur verið ofarlega í valinu á fimleikakonu ársins sem og var síðast valin íþróttamaður Garðabæjar nú í janúar.
Verkefnið #höldumáfram snýr að því að hvetja fólk til að hugsa um líkamlega og andlega heilsu hvort sem það er að taka æfingu, fara í göngutúr, hugleiða eða hvað sem skiptir hvern og einn máli. En þessa dagana þarf fólk að gera það heima eða úti í náttúrunni. Sjá má fleiri æfingar hér fyrir neðan.
#höldumáfram er herferð á vegum Nocco. Í henni sýnir íþróttafólk og þjálfarar sniðugar æfingar. Einnig er fólk hvatt til að taka þátt á samfélagsmiðlum með myllumerkinu #höldumáfram, sýna frá því sem það er að gera en um leið hvetja vini og aðra til að gera slíkt hið sama. Halda áfram að hugsa um sig því líkamleg og andleg heilsa hafa sjaldan skipt jafn miklu máli. Ekki bara fyrir hvern og einn heldur samfélagið í heild.
