Vilja Torfajökulssvæðið á minjaskrá UNESCO

Torfajökulssvæðinu verður bætt á yfirlitsskrá Íslands með tilnefningu til heimsminjaskrár UNESCO í huga, samkvæmt tillögu sem samþykkt var á ríkisstjórnarfundi í morgun.

Í tilkynningu frá menntamálaráðuneytinu segir að Torfajökulseldstöðin sé einstök bæði á landsvísu og á heimsvísu. Hún sé megineldstöð, með stærsta líparítsvæði landsins og innan öskjunnar sé stærsta háhitasvæði landsins. Torfajökulseldstöðin var að hluta til friðlýst árið 1979 með afmörkun svæðis sem kallast Friðland að Fjallabaki.