Rannsókn bandarískra yfirvalda á Wikileaks teygir anga sína til Íslands Kjartan Kjartansson skrifar 24. janúar 2019 20:52 Kristinn Hrafnsson segir mögulegt að hann sé sjálfur eitt skotmarka bandarísku rannsóknarinnar. Vísir Einstaklingi sem hefur verið búsettur á Íslandi hefur verið boðin friðhelgi fyrir saksókn í Bandaríkjunum í skiptum fyrir framburð gegn stofnanda uppljóstranavefsins Wikileaks, að sögn Kristins Hrafnsson, ritstjóra Wikileaks. Hann segist mögulega sjálfur eitt skotmarka rannsóknar bandarískra yfirvalda sem staðið hefur yfir í níu ár. Fréttablaðið sagði frá þessu í kvöld og hafði eftir bandaríska sendiráðinu á Íslandi að það gæti ekki tjáð sig vegna lokunar alríkisstofnana vestanhafs sem hefur staðið yfir í rúman mánuð. Í samtali við Vísi segist Kristinn hafa trúverðugar heimildir um að einstaklingi hér á landi hafi verið boðin friðhelgi gegn því að vitna gegn Julian Assange, stofnanda Wikileaks. Hann hafi þær heimildir ekki frá fyrstu hendi en hann viti persónulega um bandaríska ríkisborgara sem bandarískt yfirvöld hafi þrýst á að bera vitni gegn Assange. Kristni er ekki kunnugt um hvort að einstaklingurinn sé enn búsettur á Íslandi. Rannsókn bandarískra yfirvalda á Wikileaks hefur staðið yfir frá árinu 2010 en þá birti vefurinn trúnaðarskjöl úr bandarískum sendiráðum og olli miklu fjaðrafoki. Leynd hefur hvílt yfir rannsókninni og segir Kristinn að hann og aðrir sem tengjast Wikileaks viti í raun ekki mikið um hana. Svonefndur ákærudómstóll starfar í tengslum við rannsóknina í Virginíuríki í Bandaríkjunum. Slíkir dómstólar eru skipaðir kviðdómendum sem meta hvort saksóknarar hafi nægilega sterkt mál í höndunum til að gefa út ákærur eða krefjast gagna og upplýsinga. Leynd á að ríkja um störf ákærudómstóla í bandarísku réttarkerfi. Mistök starfsmanns bandarískra yfirvalda leiddi til þess að ákæra gegn Assange var óvart birt í nóvember. „Þetta er kannski til marks um það að það sé að draga til einhverra tíðinda, að menn séu farnir að leita mögulegra vitna fyrir einhver réttarhöld,“ segir Kristinn. Ekki leitað eftir viðtali við Kristinn Kristinn segir við Vísi að Wikileaks hafi fengið upplýsingar um að rannsóknin hafi undið upp á sig frá því að hún hófst og nái hún nú líklega til fleiri leka á vegum miðilsins. Þetta sé þó aðeins tilgáta þar sem Wikileaks viti ekki fyrir víst hvað sé til rannsóknar. Tölvupóstar Kristins voru á meðal gagna sem Google afhenti rannsakendunum vestanhafs eftir að þeir fengu leitarheimild hjá ákærudómstólnum árið 2012. Kristinn segir að bandaríska alríkislögreglan FBI eða dómsmálaráðuneytið hafi þó aldrei falast eftir því að taka skýrslu af honum í tengslum við rannsóknina. Leggur hann til tvær skýringar á því hvers vegna svo sé. „Mögulega er það vegna þess að ég var einn af kjarnastarfsmönnum sem hafa staðið að ýmsum af þessum lekum þannig að mögulega er ég sjálfur skotmark einhverrar ofstækisfullrar málsóknar eða þá að þeir telja á grundvelli gagna sem þeir hafa aflað sér að ég væri ekki mjög tilkippilegur sem vitni gegn félaga mínum,“ segir Kristinn. Julian Assange hefur búið í sendiráði Ekvadors í nokkur ár.Vísir/EPA Segir tíðinda að vænta af málsókn gegn The Guardian Assange hefur verið undir verndarvæng stjórnvalda í Ekvador og hafst við í sendiráðið Suður-Ameríkuríkisins í London frá árinu 2012. Þangað leitaði Assange hælis til að forðast rannsókn á kynferðisbroti í Svíþjóð og ákæru í Bretlandi fyrir að brjóta gegn lausn sem hann hlaut þar gegn tryggingu. Hann segist óttast að vera framseldur til Bandaríkjanna. Wikileaks hefur blandast inn í rannsókn bandaríska dómsmálaráðuneytisins af afskiptum rússneskra stjórnvalda af forsetakosningunum í Bandaríkjunum árið 2016. Vefsíðan birti tölvupósta sem rússneskir hakkarar stálu frá Demókrataflokknum í aðdraganda kosninganna og hefur Assange verið sakaður um samstarf við Rússa. Því hefur hann hafnað. Breska blaðið The Guardian hélt því fram að Assange hefði fundað á laun með Paul Manafort, fyrrverandi kosningastjóra Donalds Trump Bandaríkjaforseta, í sendiráðinu í London. Kristinn segir þá frétt hafa verið „hraksmánarlega“. Tíðinda sé líklega að vænta af málsókn Wikileaks gegn blaðinu á næstu vikum. Bandaríkin WikiLeaks Mál Julians Assange Tengdar fréttir Segja Breta hafa lofað að framselja Assange ekki Lenin Moreno, forseti Ekvador, sagði í viðtali í dag að hann hefði fengið skriflegt loforð Breta um að framselja Assange ekki til neins lands þar sem hann gæti verið dæmdur til dauða. 6. desember 2018 17:03 Úthúðar The Guardian fyrir umfjöllun um meintan leynifund Assange og Manafort Kristinn Hrafnsson vandar The Guardian ekki kveðjurnar vegna fréttar um Julian Assange, stofnanda Wikileaks. 27. nóvember 2018 23:46 Segja Manafort hafa hitt Assange á leynifundum í London Breska blaðið Guardian greinir frá því í dag, og hefur eftir ónafngreindum heimildarmönnum, að Paul Manafort, fyrrverandi kosningastjóri Donald Trump, Bandaríkjaforseta, hafi átt að minnsta kosti þrjá leynifundi með Julian Assange, stofnanda Wikileaks. 27. nóvember 2018 16:23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira
Einstaklingi sem hefur verið búsettur á Íslandi hefur verið boðin friðhelgi fyrir saksókn í Bandaríkjunum í skiptum fyrir framburð gegn stofnanda uppljóstranavefsins Wikileaks, að sögn Kristins Hrafnsson, ritstjóra Wikileaks. Hann segist mögulega sjálfur eitt skotmarka rannsóknar bandarískra yfirvalda sem staðið hefur yfir í níu ár. Fréttablaðið sagði frá þessu í kvöld og hafði eftir bandaríska sendiráðinu á Íslandi að það gæti ekki tjáð sig vegna lokunar alríkisstofnana vestanhafs sem hefur staðið yfir í rúman mánuð. Í samtali við Vísi segist Kristinn hafa trúverðugar heimildir um að einstaklingi hér á landi hafi verið boðin friðhelgi gegn því að vitna gegn Julian Assange, stofnanda Wikileaks. Hann hafi þær heimildir ekki frá fyrstu hendi en hann viti persónulega um bandaríska ríkisborgara sem bandarískt yfirvöld hafi þrýst á að bera vitni gegn Assange. Kristni er ekki kunnugt um hvort að einstaklingurinn sé enn búsettur á Íslandi. Rannsókn bandarískra yfirvalda á Wikileaks hefur staðið yfir frá árinu 2010 en þá birti vefurinn trúnaðarskjöl úr bandarískum sendiráðum og olli miklu fjaðrafoki. Leynd hefur hvílt yfir rannsókninni og segir Kristinn að hann og aðrir sem tengjast Wikileaks viti í raun ekki mikið um hana. Svonefndur ákærudómstóll starfar í tengslum við rannsóknina í Virginíuríki í Bandaríkjunum. Slíkir dómstólar eru skipaðir kviðdómendum sem meta hvort saksóknarar hafi nægilega sterkt mál í höndunum til að gefa út ákærur eða krefjast gagna og upplýsinga. Leynd á að ríkja um störf ákærudómstóla í bandarísku réttarkerfi. Mistök starfsmanns bandarískra yfirvalda leiddi til þess að ákæra gegn Assange var óvart birt í nóvember. „Þetta er kannski til marks um það að það sé að draga til einhverra tíðinda, að menn séu farnir að leita mögulegra vitna fyrir einhver réttarhöld,“ segir Kristinn. Ekki leitað eftir viðtali við Kristinn Kristinn segir við Vísi að Wikileaks hafi fengið upplýsingar um að rannsóknin hafi undið upp á sig frá því að hún hófst og nái hún nú líklega til fleiri leka á vegum miðilsins. Þetta sé þó aðeins tilgáta þar sem Wikileaks viti ekki fyrir víst hvað sé til rannsóknar. Tölvupóstar Kristins voru á meðal gagna sem Google afhenti rannsakendunum vestanhafs eftir að þeir fengu leitarheimild hjá ákærudómstólnum árið 2012. Kristinn segir að bandaríska alríkislögreglan FBI eða dómsmálaráðuneytið hafi þó aldrei falast eftir því að taka skýrslu af honum í tengslum við rannsóknina. Leggur hann til tvær skýringar á því hvers vegna svo sé. „Mögulega er það vegna þess að ég var einn af kjarnastarfsmönnum sem hafa staðið að ýmsum af þessum lekum þannig að mögulega er ég sjálfur skotmark einhverrar ofstækisfullrar málsóknar eða þá að þeir telja á grundvelli gagna sem þeir hafa aflað sér að ég væri ekki mjög tilkippilegur sem vitni gegn félaga mínum,“ segir Kristinn. Julian Assange hefur búið í sendiráði Ekvadors í nokkur ár.Vísir/EPA Segir tíðinda að vænta af málsókn gegn The Guardian Assange hefur verið undir verndarvæng stjórnvalda í Ekvador og hafst við í sendiráðið Suður-Ameríkuríkisins í London frá árinu 2012. Þangað leitaði Assange hælis til að forðast rannsókn á kynferðisbroti í Svíþjóð og ákæru í Bretlandi fyrir að brjóta gegn lausn sem hann hlaut þar gegn tryggingu. Hann segist óttast að vera framseldur til Bandaríkjanna. Wikileaks hefur blandast inn í rannsókn bandaríska dómsmálaráðuneytisins af afskiptum rússneskra stjórnvalda af forsetakosningunum í Bandaríkjunum árið 2016. Vefsíðan birti tölvupósta sem rússneskir hakkarar stálu frá Demókrataflokknum í aðdraganda kosninganna og hefur Assange verið sakaður um samstarf við Rússa. Því hefur hann hafnað. Breska blaðið The Guardian hélt því fram að Assange hefði fundað á laun með Paul Manafort, fyrrverandi kosningastjóra Donalds Trump Bandaríkjaforseta, í sendiráðinu í London. Kristinn segir þá frétt hafa verið „hraksmánarlega“. Tíðinda sé líklega að vænta af málsókn Wikileaks gegn blaðinu á næstu vikum.
Bandaríkin WikiLeaks Mál Julians Assange Tengdar fréttir Segja Breta hafa lofað að framselja Assange ekki Lenin Moreno, forseti Ekvador, sagði í viðtali í dag að hann hefði fengið skriflegt loforð Breta um að framselja Assange ekki til neins lands þar sem hann gæti verið dæmdur til dauða. 6. desember 2018 17:03 Úthúðar The Guardian fyrir umfjöllun um meintan leynifund Assange og Manafort Kristinn Hrafnsson vandar The Guardian ekki kveðjurnar vegna fréttar um Julian Assange, stofnanda Wikileaks. 27. nóvember 2018 23:46 Segja Manafort hafa hitt Assange á leynifundum í London Breska blaðið Guardian greinir frá því í dag, og hefur eftir ónafngreindum heimildarmönnum, að Paul Manafort, fyrrverandi kosningastjóri Donald Trump, Bandaríkjaforseta, hafi átt að minnsta kosti þrjá leynifundi með Julian Assange, stofnanda Wikileaks. 27. nóvember 2018 16:23 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira
Segja Breta hafa lofað að framselja Assange ekki Lenin Moreno, forseti Ekvador, sagði í viðtali í dag að hann hefði fengið skriflegt loforð Breta um að framselja Assange ekki til neins lands þar sem hann gæti verið dæmdur til dauða. 6. desember 2018 17:03
Úthúðar The Guardian fyrir umfjöllun um meintan leynifund Assange og Manafort Kristinn Hrafnsson vandar The Guardian ekki kveðjurnar vegna fréttar um Julian Assange, stofnanda Wikileaks. 27. nóvember 2018 23:46
Segja Manafort hafa hitt Assange á leynifundum í London Breska blaðið Guardian greinir frá því í dag, og hefur eftir ónafngreindum heimildarmönnum, að Paul Manafort, fyrrverandi kosningastjóri Donald Trump, Bandaríkjaforseta, hafi átt að minnsta kosti þrjá leynifundi með Julian Assange, stofnanda Wikileaks. 27. nóvember 2018 16:23