Sport

Katrín Tanja viðurkennir að stressið hafi verið mikið að undanförnu

Óskar Ófeigur Jónsson skrifar
Katrín Tanja Davíðsdóttir.
Katrín Tanja Davíðsdóttir. Mynd/Instagram/katrintanja

Íslenska CrossFit stjarnan Katrín Tanja Davíðsdóttir hefur haft í nægu að snúast síðustu mánuði ársins og mögulega tók það sinn toll í áætlaðu síðasta móti hennar á árinu 2019.

Katrín Tanja gat nefnilega ekki tekið þátt í CrossFit stórmótinu í Dúbaí og varð að draga sig úr keppni rétt fyrir fyrstu grein vegna bakmeiðsla. Katrín Tanja fer yfir þessa ákvörðun sína í stuttum pistli á Instagram reikningi sínum.

„Þetta var ekki endirinn á árinu sem ég hafði í huga en kannski var þetta sá endir sem ég þurfti á að halda,“ skrifar Katrín Tanja.

Hún hefur verið á miklum þeytingi síðustu mánuði enda orðin að hálfgerðum sendiherra CrossFit íþróttarinnar. Katrín kemur frábærlega fyrir og hefur hjálpað til að koma CrossFit á kortið í Bandaríkjunum.

Katrín Tanja gaf út bók síðasta sumar, hún sat fyrir í Body Issue ESPN og tók þátt í ráðstefnu ESPN um kvennaíþróttir. Við þetta bætist svo að æfa mikið á hverjum degi til þess að halda sér í hópi þeirra hraustustu í heimi.

„Ég meiddi mig í baki á æfingu. Það hefur gerst áður og vanalega lagast það eftir nokkra daga hvíld. Ég var í góðu formi og tilbúin fyrir keppnina. Svo framarlega sem skrokkurinn væri í lagi þá ætlaði ég að keppa,“ skrifaði Katrín.

„Miðvikudagsmorguninn rann upp og eins mikið og ég vonandi og eins mikið og ég hugsaði jákvætt þá er ekki hægt að leika heilbrigðan líkama. Ég var niðurbrotin yfir því að þurfa að hætta við keppni. Ég vildi vera með en ég trúi að það sé ástæða fyrir öllu. Ég tók réttu ákvörðunin fyrir mig, minn líkama og mína heilsu,“ skrifaði Katrín Tanja og hún viðurkennir að stressið hafi verið mikið að undanförnu.

„Það hefur verið mikið stress í mínu lífi að undanförnu og mikið í gangi. Stundum veit bara líkmanninn þinn hvenær hann þarf hvíld. Þetta gerðist til að kenna mér eitthvað fyrir það sem gerist í framtíðinni. Ég ætla að nota næstu vikur til að ná mér góðri og verða sterkari. Þetta er bara eldur fyrir árið 2020,“ skrifaði Katrín Tanja eins og sjá má hér fyrir neðan.



 
 
 
View this post on Instagram

Not exactly the end of the year that I wanted but maybe just the one that I needed. - Last Friday I hurt my back in training - it’s happened before & normally it calms downs within a couple of days. I was FIT & I was feeling ready & the training was done. So as long as my body would heal before wednesday morning, I was on to COMPETE - Wednesday morning came around & as much as I was hoping & keeping a positive mindset about it .. you can’t fake a healthy body. It really broke my heart have to withdraw from the @dxbfitnesschamp  this year. MAN, I want to be out on that competition floor BUT I truly believe things happen for a reason. I made the right choice for me, my body & my health. - There has been a lot of stress in my life lately & things going on & sometimes your body knows when you need to take second to stop. This is here to teach me something for a moment I need it in the future. I am going to use these weeks to HEAL UP & get STRONGER  This is fire for 2020. - Ps GOOD LUCK to everyone at DCC on the final day & THANK YOU to everyone coming up to me being so kind! It’s different being in the stands but now I get to meet all of you guys  xxx - Photo: @flsportsguy

A post shared by Katrín Tanja Davíðsdóttir (@katrintanja) on Dec 13, 2019 at 10:18pm PST






Fleiri fréttir

Sjá meira


×