Innlent

Guðrún Ögmundsdóttir skipuð skrifstofustjóri

Kristín Ólafsdóttir skrifar
Guðrún Ögmundsdóttir.
Guðrún Ögmundsdóttir. Mynd/Fjármála- og efnahagsráðuneytið

Fjármála- og efnahagsráðherra hefur skipað Guðrúnu Ögmundsdóttur í embætti skrifstofustjóra á skrifstofu rekstrar og innri þjónustu í fjármála og efnahagsráðuneytinu til fimm ára, frá 2. desember 2019. Þetta kemur fram í tilkynningu frá ráðuneytinu.

Guðrún hefur starfað í fjármála- og efnahagsráðuneytinu frá árinu 2011. Þar hefur hún verið leiðandi sérfræðingur á skrifstofu stjórnunar og umbóta og stýrt verkefnum í tengslum við þróun stafrænnar þjónustu og rekstur stofnana ríkisins. Þá var hún formaður verkefnisstjórnar um framkvæmd höfuðstólslækkunar íbúðarlána. Síðastliðið ár hefur Guðrún verið settur skrifstofustjóri á skrifstofu rekstrar og innri þjónustu.

Guðrún var áður ráðgjafi hjá Capacent, fjárfestatengill hjá Landic Property hf., og sérfræðingur hjá Kaupþingi banka hf. Þar áður starfaði hún sem hagfræðingur á efnahagsskrifstofu fjármálaráðuneytisins frá 2002 til 2005.

Guðrún er hagfræðingur frá Háskóla Íslands og með meistaragráðu í fjármálum frá Cass Business School í London.

Skrifstofa rekstrar og innri þjónustu annast rekstur, mannauðsmál og fjármál ráðuneytisins. Skrifstofan hefur umsjón með stefnumótun og fjárveitingum vegna málaflokka sem ráðuneytið ber ábyrgð á auk rekstrarlegs eftirlits með stofnunum ráðuneytisins.

Alls bárust 25 umsóknir um stöðuna sem var auglýst 28. ágúst síðastliðinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.