Hetja Stjörnunnar á Akureyri ældi á gólfið í hálfleik
Nikolas Tomsick tryggði Stjörnunni sigur á botnliði Þórs á Akureyri, 101-104, í fyrsta leik 8. umferðar Domino's deildar karla í gær.
Tomsick setti niður þriggja stiga skot í þann mund sem leiktíminn rann út. Þetta er önnur sigurkarfa Tomsicks á tímabilinu en hann tryggði Stjörnunni einnig sigur á Njarðvík og Val.
Tomsick átti frábæran leik í gær og skoraði 44 stig. Frammistaðan var enn merkilegri fyrir þær sakir að hann ældi um leið og flautað var til hálfleiks.
Hann lét veikindin ekki aftra sér og skoraði grimmt í seinni hálfleik. Í 4. leikhluta setti Tomsick niður fimm þriggja stiga skot.
Alls skoraði Tomsick ellefu þriggja stiga körfur í leiknum úr 17 tilraunum (65%).
Með sigrinum jafnaði Stjarnan Keflavík að stigum á toppi deildarinnar.
Tengdar fréttir
Sigurkarfa Tomsick sem bjargaði Stjörnunni | Myndband
Nick Tomsick reyndist hetja Stjörnunnar er þeir unnu þriggja stiga sigur á Þór Akureyri, 104-101, í spennutrylli norðan heiða í kvöld.
Umfjöllun og viðtöl: Þór Ak. - Stjarnan 101-104 | Garðbæingar sluppu með skrekkinn
Stjarnan jafnaði Keflavík á toppi deildarinnar með ótrúlegum og naumum sigri á botnliðinu.
