Erlent

Kóala­björninn Lewis er dauður

Atli Ísleifsson skrifar
Lewis var fluttur á dýraspítala og þegar hann var svæfður komur dýralæknarnir að því að brunasárin voru verri en talið var í fyrstu.
Lewis var fluttur á dýraspítala og þegar hann var svæfður komur dýralæknarnir að því að brunasárin voru verri en talið var í fyrstu.
Miklir gróðureldar geisa enn í Ástralíu og hafa eldarnir haft skelfileg áhrif á stofn kóalabjarna og griðasvæði þeirra. Myndir af kóalabirni sem fannst skaðbrenndur og kona kom til bjargar vöktu mikla athygli í síðustu viku, en nú hafa borist fréttir af því að björninn sá allur.

Umræddur kóalabjörn, sem fékk nafnið Ellenborough Lewis, vakti heimsathygli þegar myndir birtist af konunni Toni Doherty þar sem hún fór úr skyrtu sinni, óf utan um björninn og bjargaði honum frá eldunum í Port Macquarie í New South Wales.

„Aumingja kóalabjörninn grét og öskraði eftir að hafa brennst. Það var eldur undir honum, á litlu afturfótum hans. Ég hef aldrei heyrt í kóalabirni áður og vissi ekki að þeir gátu grátið. Þetta er hjartanístandi, og mér fannst að ég varð að koma honum í burtu eins fljótt og hægt var,“ sagði Doherty í samtali við Nine News.

Lewis var fluttur á dýraspítala og þegar hann var svæfður komur dýralæknarnir að því að brunasárin voru verri en talið var í fyrstu. Það eina sem hafi verið í stöðunni var að aflífa dýrið.

Kóalabjörninn Lewis var um fjórtán ára gamall og var nefndur í höfuðið á einu barnabarna Doherty.

Alls hafa sex manns látið lífið um fimm hundruð heimili eyðilagst í eldunum.

Ástralska kóalastofnunin áætlar að um þúsund kóalabirnir hafi drepist í eldunum og að um 80 prósent griðasvæðis þeirra hafi eyðilagst. Eru birnirnir í mikilli útrýmingarhættu.




Tengdar fréttir

Kóalabirnir hafa orðið verulega illa úti vegna elda

Toni Doherty kom á dögunum illa brenndum Kóalabirni til bjargar í Suður-Wales í Ástralíu. Björninn hafði brunnið í umfangsmiklum skógar- og kjarreldum þar í landi og Doherty fór úr skyrtu sinni til og vafði henni utan um björninn.




Fleiri fréttir

Sjá meira


×