Handbolti

Valur seig fram úr undir lokin

Ingvi Þór Sæmundsson skrifar
Lovísa skoraði níu mörk fyrir Val.
Lovísa skoraði níu mörk fyrir Val. vísir/bára

Valur minnkaði forskot Fram á toppi Olís-deildar kvenna í handbolta niður í eitt stig með sigri á Aftureldingu, 19-27, í síðasta leik 9. umferðar. Afturelding er án stiga á botni deildarinnar.

Líkt og í fyrsta leik liðanna á tímabilinu lék Afturelding vel lengst af í fyrri hálfleik.

Þegar sex mínútur voru eftir af fyrri hálfleik kom Roberta Ivanauskaite Aftureldingu yfir, 12-11. Þá tók Valur við sér, skoraði fimm mörk gegn einu og leiddi með þremur mörkum í hálfleik, 13-16.

Valskonur skoruðu fyrstu tvö mörkin í seinni hálfleik og komust fimm mörkum yfir. Mosfellingar gáfust ekki upp, skoruðu þrjú mörk í röð og minnkuðu muninn í 17-19.

Valur svaraði með þremur mörkum í röð og náði aftur heljartaki á leiknum. Undir lokin jókst munurinn á liðunum og á endanum munaði átta mörkum á þeim, 19-27.

Lovísa Thompson var markahæst í liði Vals með níu mörk. Ásdís Þóra Ágústsdóttir skoraði sjö mörk og Díana Dögg Magnúsdóttir fimm.

Ivanauskaite skoraði átta mörk fyrir Aftureldingu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.