Lífið

Brosmild, traust og glaðvær manneskja þrátt fyrir veikindin

Kolbeinn Tumi Daðason skrifar
Guðrún María (t.v.) og Ragna á góðri stundu sumarið 2018 þegar þær hittust í Osló.
Guðrún María (t.v.) og Ragna á góðri stundu sumarið 2018 þegar þær hittust í Osló.

„Hún var mjög brosmild og glaðvær manneskja þrátt fyrir þessi veikindi,“ segir Ragna Klara Magnúsdóttir um systur sína Guðrúnu Maríu Gunnarsdóttur sem lést á þriðjudaginn í Þrándheimi í Noregi 27 ára gömul.

Fjölskyldan hefur hrundið af stað söfnun til að fjármagna flutning Guðrúnar Maríu til Íslands og standa undir kostnaði við jarðarför og það sem því fylgi.

Ragna segir Guðrúnu Maríu búið um árabil ytra en þó komið til Íslands með reglulegu millibili. Guðrún María hafi verið búin með tvö ár í háskólanámi í Noregi og náði góðum bata. Bakslag hafi hins vegar komið í glímu hennar við fíkniefni.

Það hafi verið draumur hennar að flytja aftur heim til Íslands.

„Við vorum búin að vera í samskiptum við hana undanfarnar vikur og mánuði. Hún vildi flytja heim aftur. Þetta snýst um það,“ segir Ragna.

Hún áætlar kostnað við flutning Guðrúnar Maríu til landsins á aðra milljón króna. Svo bætist við útfararkostnaður. Allt í allt vafalítið vel á þriðju milljón króna.

„Guðrún María var ekki fjársterkur aðili,“ segir Ragna. Reikningurinn er stofnaður í nafni náinnar frænku þeirra systra. Söfnunarreikningur sérstaklega fyrir Guðrúnu Maríu.

Reikningsupplýsingar má sjá hér að neðan en sömuleiðis hefur verið stofnaður Facebook-hópur vegna söfnunarinnar.

Kennitala: 040965-5059
Reikningsnúmer: 0370-22-019156
IBAN númer: IS820370220191560409655059
Adresse: Arion banki, Smaratorg, 201 Kopavogur, Island
SWIFT: ESJAISRE



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.