Orkumálaráðherra Bandaríkjanna sér á báti við Hringborð norðurslóða Heimir Már Pétursson og Samúel Karl Ólason skrifa 10. október 2019 20:30 Orkumálaráðherra Bandaríkjanna nefndi loftslagsbreytingar ekki á nafn í ávarpi sínu við setningu Hringborðs norðurslóða í dag en skaut föstum skotum að ríkjum sem hann sagði boðflennur á norðurslóðum. Forystufólk annarra ríkja lagði hins vegar áherslu á að þjóðir heims tækju höndum saman til að vinna gegn loftslagsbreytingunum. Um tvö þúsund manns frá um sextíu þjóðlöndum taka þátt í Hringborði norðurslóða og flytja þar um sex hundruð erindi. Við setningu Hringborðsins í dag lögðu forsætisráðherrar Íslands og Finnlands áherslu á alvarleika loftslagsbreytinganna og nauðsyn þess að þjóðir heims ynnu saman að því að daga úr losun gróðurhúsalofttegunda. „Verið öll velkomin á sjöunda þing Hringborðs norðurslóða, stærsta alþjóðlega fundarins um málefni norðurslóða,“ sagði Ólafur Ragnar Grímsson, formaður Hringborðs norðurslóða, við setningu Hringborðsins. „Vísindamenn geta ekki bent á hvenær bráðnun ísþekju Grænlands eða vesturhluti ísþekju Suðurskautslandsins kemst á það stig að ekki verður aftur snúið nema við grípum í taumana,“ sagði Katrín Jakobsdóttir, forsætisráðherra. „Náttúra norðurslóða er óblíð. Það sem við gerum á norðurslóðum fylgir okkur alla tíð,“ sagði Antti Rinne, forsætisráðherra Finnlands. „Ísinn bráðnar og hverfur ef við tökum ekki loftslagsbreytingum og alheimshlýnun föstum tökum. Við verðum að vera mjög raunhæf.“ Victoria krónprinsessa Svíþjóðar rifjaði upp ferðir sínar með krónprinsum Danmerkur og Noregs til Svalbarða og Grænlands þar sem loftslagsbreytingarnar væru augljósar. Kim Kielsen forsætisráðherra Grænlands fékk dúndrandi lófaklapp þegar hann svaraði blaðamanni Bloomberg og sagði Grænland einfaldlega ekki til sölu. Skaut fast að Kína og Rússlandi Minna fór hins vegar fyrir undirtektum þinggesta eftir að Rick Perry orkumálaráðherra Bandaríkjanna talaði án þess að nefna loftslagsbreytingar á nafn. En hann skaut föstum skotum að ríkjum sem ekki væru frjáls og átti þar greinilega við Kína og Rússland. „Norðurlönd eru í forystuhlutverki í norðurslóðarannsóknum og eru í fararbroddi hvað varðar nýsköpun. Við búum einnig að ríkri hefð á sviði samstarfs þjóða okkar og ég trúi því að við sem erum í Norðurlandafjölskyldunni, Ísland, Danmörk, Finnland, Noregur og Svíþjóð séum í kjöraðstöðu til að leggja okkar af mörkum á sviði öndvegisþekkingar hugmynd og nýrra lausna,“ sagði Victoria krónprinsessa Svíþjóðar. Kim Kielsen, forsætisráðherra Grænlands, var spurður út í þá tillögu Donald Trump, forseta Bandaríkjanna, að kaupa Grænland og það hvort rætt hefði verið um hve mikið Grænland myndi kosta. „Svarið við þessari spurningu er mjög einfalt. Grænland er ekki til sölu,“ sagði hann. „Þegar ég horfi til framtíðar sé ég fyrir mér að okkur takist að hindra með árangursríkum hætti að þessum ríkjum takist að ná yfirráðum yfir norðurslóðum utan frá,“ sagði Rick Perry, orkumálaráðherra Bandaríkjanna. „Þessi ríki deila hvorki með okkur lýðræðislegum gildum okkar né framgöngu okkar við stjórnun umhverfisverndarmála.“ „Ég sé fyrir mér að við leysum úr læðingi orkubirgðir í því skyni að frelsa þjóðir utan norðurslóða undan því að vera háðar þessum sömu þjóðum sem myndu beita aflsmunum sínum, einkum orku sinni, sem geópólitísku vopni.“ Endurspeglar nýjan veruleika Eftir ræðu Perry sagði Ólafur Ragnar að framganga hans og fjölda annarra endurspegli nýjan pólitískan veruleika á norðurslóðum. „Að okkar næsta nágrenni er nú orðið brennidepill glímu um nýja heimsmynd. Þar sem öflugustu þjóðir heims; Bandaríkin, Rússland, Kína og reyndar Evrópusambandið líka, eru óðum að koma sér upp stöðu og leggja áherslu á það hvað skiptir máli,“ sagði Ólafur Ragnar. Hann sagði það í raun einstakt tækifæri fyrir okkur Íslendinga að vera vettvangur þessarar umræðu. Það fæli í sér ný tækifæri fyrir land og þjóð. Ólafur Ragnar sagði það hafa verið markmiðið frá upphafi, að allir gætu komið að Hringborðinu. „Að ungur aktívisti hafi sama rétt á að rísa upp og segja sína skoðun, eins og orkumálaráðherra Bandaríkjanna eða forsætisráðherrar annarra landa.“ Hann sagðist einnig telja að ræða forsætisráðherra Grænlands hafi verið söguleg. „Ég held að aldrei fyrr í sögu Grænlands hafi æðsti fulltrúi grænlensku þjóðarinnar flutt jafn yfirgripsmikla stefnuræðu á alþjóðlegum vettvangi eins og hann gerði í dag. Þannig að Hringborðið er líka að verða nýr vettvangur fyrir samstarf Íslands, Grænlands og Færeyja.“ Norðurslóðir Hringborð norðurslóða Bandaríkin Donald Trump Tengdar fréttir Rick Perry varði Donald Trump með kjafti og klóm í Svartsengi Rick Perry, orkumálaráðherra Bandaríkjanna, segir jarðhitann guðsgjöf til Íslendinga og að flestar þjóðir myndu gefa allt til að geta nýtt slíka auðlind til að hita upp hús sín og framleiða rafmagn. 9. október 2019 20:30 Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira
Orkumálaráðherra Bandaríkjanna nefndi loftslagsbreytingar ekki á nafn í ávarpi sínu við setningu Hringborðs norðurslóða í dag en skaut föstum skotum að ríkjum sem hann sagði boðflennur á norðurslóðum. Forystufólk annarra ríkja lagði hins vegar áherslu á að þjóðir heims tækju höndum saman til að vinna gegn loftslagsbreytingunum. Um tvö þúsund manns frá um sextíu þjóðlöndum taka þátt í Hringborði norðurslóða og flytja þar um sex hundruð erindi. Við setningu Hringborðsins í dag lögðu forsætisráðherrar Íslands og Finnlands áherslu á alvarleika loftslagsbreytinganna og nauðsyn þess að þjóðir heims ynnu saman að því að daga úr losun gróðurhúsalofttegunda. „Verið öll velkomin á sjöunda þing Hringborðs norðurslóða, stærsta alþjóðlega fundarins um málefni norðurslóða,“ sagði Ólafur Ragnar Grímsson, formaður Hringborðs norðurslóða, við setningu Hringborðsins. „Vísindamenn geta ekki bent á hvenær bráðnun ísþekju Grænlands eða vesturhluti ísþekju Suðurskautslandsins kemst á það stig að ekki verður aftur snúið nema við grípum í taumana,“ sagði Katrín Jakobsdóttir, forsætisráðherra. „Náttúra norðurslóða er óblíð. Það sem við gerum á norðurslóðum fylgir okkur alla tíð,“ sagði Antti Rinne, forsætisráðherra Finnlands. „Ísinn bráðnar og hverfur ef við tökum ekki loftslagsbreytingum og alheimshlýnun föstum tökum. Við verðum að vera mjög raunhæf.“ Victoria krónprinsessa Svíþjóðar rifjaði upp ferðir sínar með krónprinsum Danmerkur og Noregs til Svalbarða og Grænlands þar sem loftslagsbreytingarnar væru augljósar. Kim Kielsen forsætisráðherra Grænlands fékk dúndrandi lófaklapp þegar hann svaraði blaðamanni Bloomberg og sagði Grænland einfaldlega ekki til sölu. Skaut fast að Kína og Rússlandi Minna fór hins vegar fyrir undirtektum þinggesta eftir að Rick Perry orkumálaráðherra Bandaríkjanna talaði án þess að nefna loftslagsbreytingar á nafn. En hann skaut föstum skotum að ríkjum sem ekki væru frjáls og átti þar greinilega við Kína og Rússland. „Norðurlönd eru í forystuhlutverki í norðurslóðarannsóknum og eru í fararbroddi hvað varðar nýsköpun. Við búum einnig að ríkri hefð á sviði samstarfs þjóða okkar og ég trúi því að við sem erum í Norðurlandafjölskyldunni, Ísland, Danmörk, Finnland, Noregur og Svíþjóð séum í kjöraðstöðu til að leggja okkar af mörkum á sviði öndvegisþekkingar hugmynd og nýrra lausna,“ sagði Victoria krónprinsessa Svíþjóðar. Kim Kielsen, forsætisráðherra Grænlands, var spurður út í þá tillögu Donald Trump, forseta Bandaríkjanna, að kaupa Grænland og það hvort rætt hefði verið um hve mikið Grænland myndi kosta. „Svarið við þessari spurningu er mjög einfalt. Grænland er ekki til sölu,“ sagði hann. „Þegar ég horfi til framtíðar sé ég fyrir mér að okkur takist að hindra með árangursríkum hætti að þessum ríkjum takist að ná yfirráðum yfir norðurslóðum utan frá,“ sagði Rick Perry, orkumálaráðherra Bandaríkjanna. „Þessi ríki deila hvorki með okkur lýðræðislegum gildum okkar né framgöngu okkar við stjórnun umhverfisverndarmála.“ „Ég sé fyrir mér að við leysum úr læðingi orkubirgðir í því skyni að frelsa þjóðir utan norðurslóða undan því að vera háðar þessum sömu þjóðum sem myndu beita aflsmunum sínum, einkum orku sinni, sem geópólitísku vopni.“ Endurspeglar nýjan veruleika Eftir ræðu Perry sagði Ólafur Ragnar að framganga hans og fjölda annarra endurspegli nýjan pólitískan veruleika á norðurslóðum. „Að okkar næsta nágrenni er nú orðið brennidepill glímu um nýja heimsmynd. Þar sem öflugustu þjóðir heims; Bandaríkin, Rússland, Kína og reyndar Evrópusambandið líka, eru óðum að koma sér upp stöðu og leggja áherslu á það hvað skiptir máli,“ sagði Ólafur Ragnar. Hann sagði það í raun einstakt tækifæri fyrir okkur Íslendinga að vera vettvangur þessarar umræðu. Það fæli í sér ný tækifæri fyrir land og þjóð. Ólafur Ragnar sagði það hafa verið markmiðið frá upphafi, að allir gætu komið að Hringborðinu. „Að ungur aktívisti hafi sama rétt á að rísa upp og segja sína skoðun, eins og orkumálaráðherra Bandaríkjanna eða forsætisráðherrar annarra landa.“ Hann sagðist einnig telja að ræða forsætisráðherra Grænlands hafi verið söguleg. „Ég held að aldrei fyrr í sögu Grænlands hafi æðsti fulltrúi grænlensku þjóðarinnar flutt jafn yfirgripsmikla stefnuræðu á alþjóðlegum vettvangi eins og hann gerði í dag. Þannig að Hringborðið er líka að verða nýr vettvangur fyrir samstarf Íslands, Grænlands og Færeyja.“
Norðurslóðir Hringborð norðurslóða Bandaríkin Donald Trump Tengdar fréttir Rick Perry varði Donald Trump með kjafti og klóm í Svartsengi Rick Perry, orkumálaráðherra Bandaríkjanna, segir jarðhitann guðsgjöf til Íslendinga og að flestar þjóðir myndu gefa allt til að geta nýtt slíka auðlind til að hita upp hús sín og framleiða rafmagn. 9. október 2019 20:30 Mest lesið Ökumaður dráttarvélarinnar fluttur með þyrlu Innlent Fjögurra ára martröð Karlottu lauk með sýknudómi Innlent „Af hverju sit ég einn af öllum þessum mönnum fyrir framan dómara?“ Innlent Vill fá úr skorið hvort „annarlegar hvatir“ liggi að baki sniðgöngunni Innlent Stærsti óttinn varð að veruleika á þriðja degi af 90 Innlent Verzlingar settu upp húfur og skelltu sér til Krítar Innlent Lét öllum illum látum og fær engar bætur Innlent Tjaldaði á túni í miðborg Reykjavíkur Innlent Náðar raunveruleikastjörnur sem sviku tugmilljónir dala út úr bönkum Erlent Fólk flytur á landsbyggðina fyrir ódýrara húsnæði og rólegra umhverfi Innlent Fleiri fréttir Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Sjá meira
Rick Perry varði Donald Trump með kjafti og klóm í Svartsengi Rick Perry, orkumálaráðherra Bandaríkjanna, segir jarðhitann guðsgjöf til Íslendinga og að flestar þjóðir myndu gefa allt til að geta nýtt slíka auðlind til að hita upp hús sín og framleiða rafmagn. 9. október 2019 20:30