Innlent

Ríkið styrkir skákhátíð á Selfossi um fjórar milljónir

Kolbeinn Tumi Daðason skrifar
Haldið verður Fischer-slembiskákmót sem er hluti af skákhátíðinni.
Haldið verður Fischer-slembiskákmót sem er hluti af skákhátíðinni. Fréttablaðið/Pjetur

Ákveðið var á fundi ríkisstjórnarinnar í morgun að veita fjögurra milljóna króna styrk af ráðstöfunarfé ríkisstjórnar til alþjóðlegrar skákhátíðar og skákmóts á Selfoss sem fram fer dagana 19.- 29. nóvember næstkomandi. Þetta kemur fram í tilkynningu frá ríkisstjórninni.



Aðalviðburður hátíðarinnar verður skákmót tíu heimsmeistara en allir þátttakendur hafa orðið heimsmeistarar í skák í einhverjum flokki.



Þá verður einnig haldið barna- og unglingaskákmót, Fischer-slembiskákmót, raðskákmót og fjöltefli, auk málþings um stöðu skákíþróttarinnar á Íslandi.



Á Selfossi er starfrækt Fischersetur en markmið þess er að halda á lofti minningu skákmeistarans Bobby Fischer sem tengdist Íslandi miklum vináttuböndum eftir einvígi sitt við Boris Spassky í Reykjavík árið 1972.

Árborg Skák Einvígi aldarinnar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið