Erlent

Belgísk prinsessa handtekin á loftslagsmótmælum í London

Andri Eysteinsson skrifar
Esmeralda (m) ásamt Filippusi konungi (v) og Léu prinsessu (h)
Esmeralda (m) ásamt Filippusi konungi (v) og Léu prinsessu (h) Getty/William Van Hecke

Lafði Moncada, Prinsessan María-Esmeralda, yngsta dóttir Leópolds III belgíukonungs, systir Alberts II. konungs og föðursystir núverandi konungs Belgíu, Filippusar var handtekin á loftslagsmótmælunum sem staðið hafa yfir í London. Sky News greinir frá.

Yfir 1200 manns hafa verið handteknir af lögreglu í Extinction Rebellion mótmælunum sem staðið hafa yfir í sex daga í röð. Einnig hefur reglulega verið mótmælt fyrr á árinu.

Camden-hluti Extinction Rebellion samtakanna greindi frá handtöku prinsessunnar á Twitter síðu sinni. Sást þar lausnarbréf hennar og tekið fram að rannsókn sé í gangi á brotum hennar.




Esmeralda er búsett í London og hefur hún þar starfað við blaðamennsku, ritstörf og heimildamyndagerð. Þá er hún þekkt fyrir að berjast fyrir náttúrunni og réttindum kvenna og frumbyggja víða um heim.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.