Íslenski boltinn

Gunnar áfram hjá Keflavík þrátt fyrir fallið

Ingvi Þór Sæmundsson skrifar
Gunnar Magnús hefur stýrt Keflavík undanfarin fjögur ár.
Gunnar Magnús hefur stýrt Keflavík undanfarin fjögur ár. vísir/vilhelm

Gunnar Magnús Jónsson verður áfram við stjórnvölinn hjá kvennaliði Keflavíkur í fótbolta.

Gunnar skrifaði undir nýjan tveggja ára samning við knattspyrnudeild Keflavíkur. Hann hefur þjálfað kvennaliðið í fjögur ár.

Keflavík féll úr Pepsi Max-deild kvenna í sumar og leikur í Inkasso-deildinni á næsta ári.

„Það er mikill fengur að halda slíkum ástríðumanni fyrir þjálfun og fótbolta hjá félaginu og er liður í því verkefni að koma stelpunum strax upp í deild þeirra bestu, þar sem þær eiga sannarlega heima,“ segir í tilkynningu frá Keflavík.

Í sumar fengu Keflvíkingar 13 stig og voru fimm stigum frá því að halda sér uppi.

Keflavík hefur einnig framlengt samning fyrirliðans, Natöshu Anasi. Hún hefur leikið með Keflavík undanfarin þrjú ár en var áður í herbúðum ÍBV.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.