Ryder hættir með Þór
Gregg Ryder mun hætta störfum sem þjálfari karlaliðs Þórs eftir tímabilið í Inkassodeild karla.
Þór sendi frá sér yfirlýsingu í dag þar sem segir að knattspyrnudeild Þórs og Ryder hafi komist að samkomulagi um að Gregg myndi láta af störfum eftir tímabilið.
„Þrátt fyrir að hafa ekki náð markmiðum okkar um úrvalsdeildarsæti hefur okkur tekist að byggja til framtíðar. Margir ungir leikmenn félagsins hafa öðlast dýrmæta reynslu á vellinum og hafa samhliða tekið miklum framförum. Framtíðin er björt fyrir Þór og ég óska félaginu alls hins besta á komandi árum,“ sagði Ryder við heimasíðu félagsins.
Fyrir lokaumferð Inkassodeildarinnar á morgun er Þór í fimmta sæti með 33 stig.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
