Menning

Opna sögu­sýningu í til­efni af 70 ára af­mæli Þróttar

Atli Ísleifsson skrifar
Vaskir menn við undirbúning sögusýningarinnar í Laugardal.
Vaskir menn við undirbúning sögusýningarinnar í Laugardal. Mynd/Sigurlaugur Ingólfsson

Sérstök sögusýning verður opnuð í tilefni af sjötíu ára afmæli Knattspyrnufélagsins Þróttur sem fagnað er um þessar mundir.

Félagið var stofnað í bragga við Ægisíðu vestur í bæ, þann 5. ágúst 1949. Félagið hefur staðið fyrir margs konar viðburðum á afmælisárinu og á morgun, laugardaginn 28. september, verður opnuð sérstök sögusýning í félagsheimili Þróttar í Laugardal.

Sigurlaugur Ingólfsson, sem fer fyrir minja- og sögunefnd félagsins, segir að undirbúningur að sýningunni hafi staðið frá því snemma á þessu ári. „Félagar hafa verið duglegir að gefa til félagsins, eða lána, gripi, myndir og annað sem tengist sögu okkar,“ segir Sigurlaugur.

Gunnar Baldursson, leikmyndateiknari hjá Sjónvarpinu til margra ára, á heiðurinn á útliti sýningarinnar og má segja að gestir gangi í gegnum eins konar „minningaskóg“ af uppblásnum myndum úr starfi félagsins.

Sýningin opnar klukkan 16 og verður boðið upp á kaffi og kleinur í tilefni dagsins. Gestir geta svo skoðað sýninguna næstu tvær vikur milli klukkan 11 og 17.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.