Sánchez lék sinn fyrsta leik fyrir Inter í sigri á Udinese

Inter er með fullt hús stiga á toppi ítölsku úrvalsdeildarinnar eftir 1-0 sigur á Udinese á San Siro í kvöld.

Stefano Sensi skoraði eina mark leiksins með skalla í slá og inn á 44. mínútu eftir fyrirgjöf frá Diego Godín sem lék sinn fyrsta leik með Inter í kvöld.

Alexis Sánchez þreytti einnig frumraun sína í bláa og svarta búningnum í kvöld. Sílemaðurinn kom inn á sem varamaður á 79. mínútu.

Alexis Sanchez in action with Inter for the first time pic.twitter.com/AxhDBDM2yf

— B/R Football (@brfootball) September 14, 2019

Udinese var manni færri síðustu 55 mínútur leiksins eftir að Rodrigo De Paul fékk rauða spjaldinu fyrir að slá Antonio Candreva, leikmann Inter.

Dries Mertens skoraði bæði mörk Napoli sem lagði Sampdoria að velli, 2-0. Napoli er í 4. sæti deildarinnar með sex stig.

Fyrr í dag gerðu Fiorentina og Juventus markalaust jafntefli. Juventus er með sjö stig í 2. sæti deildarinnar en Fiorentina er aðeins með eitt stig í 16. sætinu.