Handbolti

Nýtti fyrstu 13 skotin sín á tímabilinu

Ingvi Þór Sæmundsson skrifar
Birkir er markahæstur í liði Aftureldingar á tímabilinu.
Birkir er markahæstur í liði Aftureldingar á tímabilinu. vísir/bára
Afturelding hefur farið vel af stað í Olís-deild karla og er með fullt hús stiga eftir tvo leiki.



Afturelding vann KA með minnsta mun, 28-27, í 1. umferðinni en í gær unnu Mosfellingar öruggan sigur á Stjörnumönnum, 22-30.



Birkir Benediktsson er markahæstur Mosfellinga á tímabilinu með 13 mörk.



Hann skoraði tíu mörk úr jafn mörgum skotum gegn KA. Birkir skoraði svo úr fyrstu þremur skotum sínum í leiknum gegn Stjörnunni og var því búinn að nýta fyrstu 13 skotin sín á tímabilinu. Ekki amalegt fyrir skyttu.



Birkir klikkaði loks á sínu fyrsta skoti á tímabilinu þegar Brynjar Darri Baldursson, markvörður Stjörnunni, varði frá honum á 39. mínútu í leiknum í Mýrinni.



Birkir spilaði reyndar ekki mikið í leiknum í gær. Hornamaðurinn Gestur Ólafur Ingvarsson leysti stöðu hægri skyttu með stæl og skoraði sex mörk.



Næsti leikur Aftureldingar er gegn Fram á sunnudaginn.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.