Handbolti

Króatísk landsliðskona spilar með nýliðunum í vetur

Óskar Ófeigur Jónsson skrifar
Afturelding spilar í Olís deild kvenna næsta vetur.
Afturelding spilar í Olís deild kvenna næsta vetur. Mynd/Handknattleiksdeild Aftureldingar
Króatíska landsliðskonan Anamaria Gugic hefur samið við nýliða Aftureldingar í Olís deild kvenna. Mosfellingar hafa nú bætt við sig tveimur erlendum landsliðskonum og ætla sér greinilega að stimpla sig inn í deildinni í vetur.



Mosfellingur segir frá komu Gugic og Handknattleiksdeild Aftureldingar deildir fréttinni á fésbókinni.



Anamaria Gugic er örvhent skytta sem spilaði síðasta tímabil með Octeville í Frakklandi og þar á undan með Gjerpen í Noregi.



Hún er fædd í júlí 1991 og heldur því upp á 28 ára afmælið sitt seinna í mánuðinum. Gugic er 186 sentímetrar á hæð.



Handknattleiksdeild Aftureldingar er gríðarlega ánægð með komu Önu og býður hana hjartanlega velkomna í frétt sinni.



Anamaria er annar leikmaðurinn sem gengur til liðs við UMFA, því fyrir nokkru skrifaði litháíska landsliðskonan Roberta Ivanauskaide undir tveggja ára samning við félagið.



Afturelding vann öruggan sigur í Grill 66 deild kvenna á síðasta tímabili undir stjórn Haraldar Þorvarðarsonar.









Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.