Úrúgvæ kom tvisvar til baka og náði í jafntefli

Ástrós Ýr Eggertsdóttir skrifar
Luis Suarez
Luis Suarez vísir/getty

Japan tók forystuna tvisvar gegn Úrúgvæ í Suður-Ameríkukeppninni í nótt en þurfti að sætta sig við 2-2 jafntefli.

Úrúgvæ byrjaði leikinn af krafti en Japanar komust inn í leikinn og skoruðu fyrsta markið, Koji Miyoshi gerði það úr skyndisókn á 25. mínútu.

Aðeins sjö mínútum seinna jafnaði Luis Suarez metin úr umdeildri vítaspyrnu sem var dæmd eftir myndbandsdómgæslu.

Snemma í seinni hálfleik kom Miyoshi Japan aftur yfir. Fernando Muslera í marki Úrúgvæ ætlaði að koma út í fyrirgjöf, gerði ekki betur en svo að leggja boltann fyrir Miyoshi sem þurfti bara að stýra boltanum í tómt netið.

En aftur jafnaði Úrúgvæ sjö mínútum seinna, í þetta skiptið var það varnarmaðurinn Jose Gimenez sem skoraði fyrir bláklædda.

Úrúgvæ reyndi hvað þeir gátu að ná í sigurmarkið á loka mínútunum, Suarez átti meðal annars skot í þverslána, en allt kom fyrir ekki og jafntefli niðurstaðan.

Úrúgvæ er á toppi C-riðils með fjögur stig, Japan í þriðja sæti með eitt.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.