Kólumbísku varamennirnir stálu senunni gegn Argentínu

Ingvi Þór Sæmundsson skrifar
Roger Martínez braut ísinn með laglegu marki á 71. mínútu.
Roger Martínez braut ísinn með laglegu marki á 71. mínútu. vísir/getty

Lionel Messi og félagar í argentínska landsliðinu fara illa af stað í Suður-Ameríkukeppninni. Í gær tapaði Argentína fyrir Kólumbíu, 0-2, í fyrsta leik sínum í keppninni. Þetta var fyrsti sigur Kólumbíu á Argentínu í tólf ár.

Fátt markvert gerðist í fyrri hálfleiknum og staðan að honum loknum var markalaus.

Meira fjör færðist í leikinn eftir hlé. Messi fékk gott færi til að koma Argentínu yfir en skaut framhjá.

Á 71. mínútu fékk varamaðurinn Roger Martínez frábæra sendingu frá James Rodíguez. Hann lék á Renzo Saravia og þrumaði boltanum í fjærhornið, óverjandi fyrir Franco Armani í argentínska markinu.

Þegar fjórar mínútum voru til leiksloka skoraði annar varamaður, Duván Zapata, með skoti af stuttu færi eftir fyrirgjöf Jeffersons Lerma og gulltryggði sigur Kólumbíumanna.

Næsti leikur Kólumbíu er gegn Katar á miðvikudaginn. Degi síðar mætir Argentína Paragvæ.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.