Þrjú mörk tekin af Brössunum

Ástrós Ýr Eggertsdóttir skrifar
Myndbandsdómgæslan hafði áhrif á leik Brasilíu og Venesúela
Myndbandsdómgæslan hafði áhrif á leik Brasilíu og Venesúela vísir/getty

Myndbandsdómgæsla hefur látið mikið fyrir sér fara á stórmótum sumarsins í fótbolta, HM kvenna og Suður-Ameríkukeppninni. Hún tók tvö mörk af Brasilíumönnum í nótt.

Brasilía byrjaði mótið á því að vinna Bólivíu en frammistaðan var þó ekki framúrskarandi. Stuðningsmenn þeirra voru ekkert sérstaklega sáttir eftir þann leik og bauluðu á liðið eftir leik Brasilíu gegn Venesúela í nótt.

Leikurinn endaði með markalausu jafntefli í leik þar sem Brasilía átti aðeins eitt skot á markið í fyrri hálfleik þrátt fyrir að hafa verið 75 prósent með boltan.

Philippe Coutinho, Roberto Firmino og Gabriel Jesus náðu þó allir að koma boltanum í marknetið ekkert af þeim fékk að standa. Myndbandsdómarinn tók mörk Coutinho og Jesus af, mark Jesus vegna rangstöðu og í marki Coutinho var dæmt brot í aðdraganda marksins. Mark Firmino náði dómari leiksins sjálfur að dæma af vegna rangstöðu án hjálpar frá myndbandsdómaranum.

„VAR náði þessu rétt. Ég hef ekki yfir neinu að kvarta,“ sagði landsliðsþjálfari Brasilíu, Tite, eftir leikinn.

Brasilía er þrátt fyrir allt á toppi riðils A því Perú og Venesúela gerðu jafntefli í opnunarleik sínum. Perú og Brasilía mætast í svo í lokaleik riðlakeppninnar.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.