Viðtöl við strákana sem ætla koma Íslandi í átta liða úrslitin á EM í dag

Íslenska sautján ára landslið karla í fótbolta á möguleika á að tryggja sér sæti í átta liða úrslitum á EM með góðum úrslitum á móti Portúgal á EM á Írlandi í dag.

Ísland fer áfram í átta liða úrslitin með jafntefli eða sigri, en bæði liðin eru með þrjú stig. Ísland er hins vegar búið að skora einu marki fleiri og eru því sem stendur í öðru sæti riðilsins.

Leikurinn fer fram á City Calling Stadium í Longford og hefst kl. 16:00 að íslenskum tíma.

Davíð Snorri Jónasson, landsliðsþjálfari U17 karla, hefur gert þrjár breytingar á byrjunarliðinu frá því í leiknum gegn Ungverjalandi.

Andri Fannar Baldursson, Andri Lucas Guðjohnsen og Ísak Bergmann Jóhannesson koma aftur inn í liðið. Út fara Hákon Arnar Haraldsson, Danijel Dejan Djuric og Kristall Máni Ingason.

Byrjunarlið Íslands í leiknum:

Ólafur Kristófer Helgason (Markvörður)

Valgeir Valgeirsson

Oliver Stefánsson (Fyrirliði)

Jón Gísli Eyland Gíslason

Róbert Orri Þorkelsson

Orri Hrafn Kjartansson

Andri Fannar Baldursson

Ísak Bergmann Jóhannesson

Davíð Snær Jóhannsson

Mikael Egill Ellertsson

Andri Lucas Guðjohnsen

Hér fyrir neðan má síðan sjá nokkur viðtöl sem birtust við strákana á fésbókarsíðu Knattspyrnusambands Íslands.



Ísland - Portúgal á EM 2019 hefst kl. 16:00 að íslenskum tíma og Andri Lucas Guðjohnsen hlakkar til leiksins:

,,Við eru allir bara spenntir að spila þennan leik."

Ísak Bergmann Jóhannesson

,,Portúgal er náttúrulega með mjög, mjög góða einstaklinga inn á milli, en við vitum hvar möguleikar okkar liggja."

Andri Fannar Baldursson hafði þetta að segja um andstæðing dagsins:

,,Við ætlum að stjórna þeim í pressu og okkar varnarleik."

Íslandi nægir jafntefli gegn Portúgal á morgun til að komast í 8 liða úrslit EM 2019.

Róbert Orri Þorkelsson segir það ekki hafa nein áhrif á það hvernig liðið mætir inn í leikinn.