Menning

Beita búlgörskum söngstíl

Gunnþóra Gunnarsdóttir skrifar
Barbörukórinn flytur lög úr ýmsum áttum, jafnvel eftir Jón Múla.
Barbörukórinn flytur lög úr ýmsum áttum, jafnvel eftir Jón Múla. Mynd/Olga Björt Þórðardóttir

Sagan segir að ung stúlka frá Hafnarfirði hafi verið kosin ungfrú Reykjavík og þá voru nú Hafnfirðingar stoltir. Hún heldur á vit ævintýranna og uppgötvar að heimurinn er uppfullur af góðu fólki, ást upphyggju og gleði.“ Þannig hefst frásögnin sem Barbörukórinn ætlar síðan að fylgja í söngdagskrá sinni í Hafnarfjarðarkirkju síðdegis í dag, að sögn Þórunnar Völu Valdimarsdóttur, talsmanns kórsins.

Hún bætir því við að leið ungu stúlkunnar hafi legið til Austur-Evrópu, eftir ástarævintýri í Englandi og þar hafi hún kynnst búlgörskum söngkonum. „Til að undirbúa þessa tónleika fengum við meðal annars námskeið í austur-evrópskum söngstíl hjá svissneskri kórstýru og annarri tyrkneskri,“ lýsir hún og segir Hörpu Arnardóttur leikkonu einnig leggja kórnum lið í að leiða tónleikagesti á vit ævintýranna.

Það er Hilmar Örn Agnarsson sem stjórnar Barbörukórnum nú á vor í fjarveru Guðmundar Sigurðssonar, organista Hafnarfjarðarkirkju, sem stofnaði hann vorið 2007 ásamt nokkrum lærðum söngvurum. Kórinn kennir sig við heilaga Barböru en stytta af dýrðlingnum fannst árið 1950 í Kapelluhrauni í Hafnarfirði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.