Innlent

Slökkvistarfi lokið og vettvangur afhentur lögreglu

Kristín Ólafsdóttir skrifar
Allt tiltækt lið slökkviliðsins á höfuðborgarsvæðinu var kallað út að Sléttuvegi í morgun.
Allt tiltækt lið slökkviliðsins á höfuðborgarsvæðinu var kallað út að Sléttuvegi í morgun. Vísir/baldur

Slökkvistarfi við Sléttuveg 7, þar sem eldur braust út í bílakjallara fyrr í dag, er lokið og var vettvangurinn afhentur lögreglu um hádegisbil ídag, samkvæmt upplýsingum frá Slökkviliðinu á höfuðborgarsvæðinu.

Útkallið barst um tíuleytið í morgun og tók mikill reykur á móti slökkviliðsmönnum í bílakjallaranum. Þá var húsið, sem er fjölbýlishús á vegum Öryrkjabandalagsins, rýmt en samkvæmt upplýsingum frá slökkviliðinu eru allir íbúar nú komnir aftur til síns heima.

Ekki urðu miklar skemmdir á húsinu í brunanum að sögn varðstjóra hjá slökkviliðinu. Talið er að eldurinn hafi kviknað út frá dekkjum og rusli í bílakjallaranum en varðstjóri sagðist ekki hafa ástæðu til að halda að um íkveikju væri að ræða þegar fréttastofa ræddi við hann fyrr í dag.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.