Sport

Áhugamaður sló út fimmfaldan heimsmeistara

Ástrós Ýr Eggertsdóttir skrifar
Ronnie O'Sullivan er úr leik
Ronnie O'Sullivan er úr leik vísir/getty

Áhugamaðurinn James Cahill gerði sér lítið fyrir og sló út efsta mann heimslistans og fimmfaldan heimsmeistara Ronnie O'Sullivan í fyrstu umferð heimsmeistaramótsins í snóker.

Cahill vann rimmuna 10-8 eftir að hafa komist 8-5 yfir. O'Sullivan gerði hver önnur mistökin en náði sér á strik og kom með áhlaup undir lokinn og jafnaði 8-8. Cahill hélt þó út og landaði ótrúlegum sigri.

„Ég gat varla staðið í lappirnar í lokin,“ sagði hinn 23 ára Cahill sem er fyrsti áhugamaðurinn til þess að tryggja sér sæti á HM.

Hann var atvinnumaður á árunum 2013-2017 en missti þá atvinnumannastimpilinn og þurfti að fara í gegnum undankeppni til þess að komast á HM.

„Ég trúi alltaf á sjálfan mig og að ég geti unnið hvern sem er á mínum degi.“

Cahill mætir Skotanum Stephen Maguire í næstu umferð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.