FH búið að finna þjálfara
Jakob Lárusson hefur verið ráðinn þjálfari kvennaliðs FH í handbolta. Hann tekur við liðinu af Roland Eradze.
Jakob skrifaði undir þriggja ára samning við FH. Auk þess að stýra meistaraflokki kvenna mun hann þjálfa 3. flokk kvenna hjá félaginu.
Jakob kemur til FH frá Val þar sem hann þjálfaði U-lið kvenna í Grill 66 deildinni og 3. flokk kvenna.
FH endaði í 7. sæti Grill 66 deildarinnar í vetur og tapaði fyrir HK í umspili um sæti í Olís-deildinni.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
