Viðskipti innlent

Segir þörf á viðræðum um hvað býðst með sæstreng

Kristján Már Unnarsson skrifar
Ketill Sigurjónsson, lögfræðingur og sérfræðingur um orkumál, rekur ráðgjafafyrirtækið Askja Energy.
Ketill Sigurjónsson, lögfræðingur og sérfræðingur um orkumál, rekur ráðgjafafyrirtækið Askja Energy. Stöð 2/Egill Aðalsteinsson.

Þriðji orkupakkinn liðkar ekki fyrir lagningu sæstrengs milli Íslands og Evrópu, að mati Ketils Sigurjónssonar, sérfræðings um orkumál, sem telur mikilvægt að horfa til þess að arður þjóðarinnar af orkuauðlindinni aukist. Þetta kom fram í fréttum Stöðvar 2.

Sú hugmynd að leggja sæstreng til að selja raforku frá Íslandi til Evrópu hefur blandast inn í hatramma umræðu um þriðja orkupakkann, sem nú er í meðförum Alþingis. 

„Mér kemur nú á óvart þessi mikla andstaða núna. Ef menn eru á móti sæstreng þá er það sjónarmið út af fyrir sig.

En ég sé ekki að þessi þriðji orkupakki gefi neitt tilefni til þess að vera með óánægju gagnvart honum, vegna sæstrengs. Hann liðkar ekki fyrir sæstreng,“ segir Ketill, sem skrifar reglulega um orkumál og rekur ráðgjafafyrirtækið Askja Energy.

Frá lagningu sæstrengs milli Vestmannaeyja og Landeyja. Stöð 2/Gísli Óskarsson.

Ketill segir að sæstrengur geti vissulega haft neikvæðar hliðar. 

„Raforkuverð til almennings á Íslandi gæti hækkað. En ég held að það sé mikilvægara að hafa í huga að um áttatíu prósent af raforkuframleiðslu á Íslandi fer til stóriðju og almenni markaðurinn er mjög lítill hluti af honum. 

Þetta er auðlind sem er að mestu í þjóðareigu. Landsvirkjun er þar langumsvifamest. Þannig að það er mjög mikilvægt að arðurinn af auðlindinni aukist og sala um sæstreng er líkleg til að gera það.“ 

Þannig geti sæstrengur þrýst upp verði gagnvart stóriðju. 

„Það blasir náttúrlega við. Kúnninn hinumegin við strenginn er í samkeppni við þá. Og ef að sá kúnni býður hærra verð þá er líklegra að stóriðjan hérna sé tilbúin að teygja sig eitthvað upp í verði. 

En hún hefur samt einhver þolmörk. Hún getur ekki farið endalaust upp þannig að þar þarf að hafa eitthvað jafnvægi,“ segir Ketill.

Charles Hendry, þáverandi orkumálaráðherra Bretlands, skoðaði meðal annars Hellisheiðarvirkjun í Íslandsheimsókn sinni vorið 2012. Hér er hann í fylgd Bjarna Bjarnasonar, forstjóra Orkuveitu Reykjavíkur. Mynd/Stöð 2.

Lítil hreyfing hefur annars verið á sæstrengsmálinu frá því þáverandi orkumálaráðherra Bretlands heimsótti Ísland fyrir sjö árum. Ketill segir meiri upplýsingar vanta til að svara því hver áhrif sæstrengs yrðu. 

„Við vitum það ekki fyrr en við látum reyna á viðræður. Og það er kannski það sem hefur vantað. Það hefur vantað alvöru viðræður, við til dæmis bresk stjórnvöld, um hvað nákvæmlega er í boði,“ segir Ketill.

Hér má sjá frétt Stöðvar 2:


Tengdar fréttir

Orkupakkinn í samræmi við stjórnarskrá

Þetta segja þeir Stefán Már Stefánsson, prófessor við lagadeild Háskóla Íslands, og Friðrik Árni Friðriksson Hirst, lögfræðingur, í bréfi sem þeir sendu Guðlaugi Þór Þórðarsyni, utanríkisráðherra, í dag.

Sæstrengur til skoðunar af fullri alvöru hjá báðum ríkjum

Heimsókn orkumálaráðherra Bretlands til Íslands staðfestir að sæstrengur milli landanna er kominn til skoðunar fyrir alvöru. Ráðherrann átti viðræður við utanríkisráðherra og Landsvirkjun um málið í dag. Breski orkumálaráðherrann, Charles Hendry, hóf daginn á ráðstefnu í höfuðstöðvum Arion banka.

Breta langar í hitaveitur og sæstreng

Íslensk og bresk stjórnvöld undirrituðu nú síðdegis yfirlýsingu um víðtækt samstarf á sviði orkumála, þar á meðal um lagningu sæstrengs á milli landanna, um jarðhitaleit í Bretlandi og um olíuiðnað. Orkumálaráðherra Bretlands, Charles Hendry, hóf Íslandsheimsóknina nú síðdegis í Hellisheiðarvirkjun þar sem Oddný Harðardóttir iðnaðarráðherra tók á móti honum ásamt Bjarna Bjarnasyni, forstjóra Orkuveitu Reykjavíkur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.