Viðskipti innlent

Segir Landsvirkjun ennþá áhugasama um sæstreng

Kristján Már Unnarsson skrifar
Hörður Arnarson, forstjóri Landsvirkjunar.
Hörður Arnarson, forstjóri Landsvirkjunar. Stöð 2/Baldur Hrafnkell Jónsson.

Bretar hafa enn mikinn áhuga á lagningu raforkusæstrengs frá Íslandi. Á sama tíma er lítið að gerast í málinu af hálfu Íslendinga. Fjallað var um málið í fréttum Stöðvar 2 og rætt við Hörð Arnarson, forstjóra Landsvirkjunar. 

Umræða um lagningu raforkusæstrengs milli Íslands og Bretlands komst á mikið flug fyrir sex árum. Sæstreng var lýst sem einni stærstu pólitísku og viðskiptalegu ákvörðun sem Íslendingar stæðu frammi fyrir.

Charles Hendry, þáverandi orkumálaráðherra Bretlands, skrifaði undir samstarfsyfirlýsingu um sæstreng, Hann varð síðar helsti talsmaður Atlantic Superconnection, félags um strenginn. Mynd/Stöð 2.

Forstjóri Landsvirkjunar hvatti þá til þess að Íslendingar notuðu næstu tvö til þrjú ár til að meta kosti og galla þess að selja raforku um sæstreng til útlanda. Raforkumálaráðherra Bretlands kom í heimsókn sumarið 2012 og undirritaði viljayfirlýsingu um að kanna málið. 

Árið 2013 skilaði ráðgjafahópur íslenskra stjórnvalda skýrslu um raforkustreng og fulltrúi breskra raforkuyfirvalda hvatti til þess að verkefnið yrði drifið í gang svo strengurinn yrði að veruleika árið 2020.

Svo mikill var áhuginn að breskir fjárfestir stofnuðu félag um sæstrenginn og stóðu fyrir rannsókn á hafsbotninum milli Íslands og Bretlands árið 2015 með leyfi íslenskra stjórnvalda.

Ragnheiður Elín Árnadóttir var iðnaðarráðherra þegar sæstrengsskýrslan kom út árið 2013. Mynd/Stöð 2.

En núna heyrist lítið talað um sæstreng og forstjóri Landsvirkjunar nefndi hann ekki einu orði þegar hann reifaði þau mál sem efst væru á baugi í tengslum við birtingu ársskýrslu Landsvirkjunar í síðustu viku. 

„En við teljum áfram að það sé áhugaverður valkostur, sem sé áhugavert að skoða. En það mótast bara af áformum ríkisstjórnarinnar og svona hvernig málin þróast,” svarar Hörður Arnarson, spurður um stöðu sæstrengsmálsins.

Kapalskip leggur raforkustreng milli lands og Eyja. Stöð 2/Gísli Óskarsson.

„En það er ljóst að það er ennþá mikill áhugi af hálfu Breta. En það hefur lítið gerst í því máli, - það er rétt, - á svona undanförnum tólf til átján mánuðum.” 

-En hefur áhugi stjórnenda Landsvirkunar á sæstreng eitthvað minnkað? 

Svar forstjórans er skýrt: 

„Nei.” 

Hér má sjá frétt Stöðvar 2:


Tengdar fréttir

Segir ávinning af sæstreng vega þyngra en hækkanir til heimila

Raforkuverð innanlands mun óhjákvæmilega hækka með lagningu raforkusæstrengs milli Íslands og Skotlands. Hins vegar getur Alþingi takmarkað slíkar verðhækkanir til íslenskra heimila með lögum. Þetta er mat dansks hagfræðings sem gerði úttekt á íslenska raforkumarkaðnum fyrir Landsvirkjun.

Sæstrengur gæti skilað áttfalt hærra orkuverði

Nýir samningar sem norsk orkufyrirtæki hafa gert við bresk stjórnvöld um sölu vindorku í Bretlandi benda til að gífurlegur hagnaður geti orðið af raforkusölu um sæstreng frá Íslandi.

Vilja sæstrenginn fyrir 2020, fjárfestar mjög áhugasamir

Þróunarstjóri helsta raforkufyrirtækis Bretlands segir að sæstrengur milli Íslands og Bretlands geti verið tilbúinn innan sjö ára og hvetur stjórnvöld ríkjanna til að hefja nú þegar formlegar viðræður um verkefnið.

Breta langar í hitaveitur og sæstreng

Íslensk og bresk stjórnvöld undirrituðu nú síðdegis yfirlýsingu um víðtækt samstarf á sviði orkumála, þar á meðal um lagningu sæstrengs á milli landanna, um jarðhitaleit í Bretlandi og um olíuiðnað. Orkumálaráðherra Bretlands, Charles Hendry, hóf Íslandsheimsóknina nú síðdegis í Hellisheiðarvirkjun þar sem Oddný Harðardóttir iðnaðarráðherra tók á móti honum ásamt Bjarna Bjarnasyni, forstjóra Orkuveitu Reykjavíkur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.