Valgerður mætir úkraínskri stúlku í Svíþjóð

Hnefaleikakonan Valgerður Guðsteinsdóttir mætir úkraínsku stúlkunni Sabinu Mischenko á bardagakvöldi í Uppsala í Svíþjóð um næstu helgi.

Þetta verður sex lotu bardagi en Valgerður fer upp í +62 kg flokk til þess að mæta Mischenko. Valgerður er venjulega í 59 kg flokki.

Andstæðingurinn er hávaxinn eða 180 sentimetrar að hæð. Valgerður segist að öðru leyti lítið vita um andstæðinginn en hlakkar til að glíma við svo stóran andstæðing.

Þetta verður sjötti atvinnumannabardagi Valgerðar. Hún vann fyrstu þrjá bardaga sína en hefur tapað síðustu tveimur. Hún vonast til þess að komast aftur á sigurbraut um næstu helgi.