Innlent

Hringdi bjöllunni um miðja nótt og sagðist vera sölumaður

Kristín Ólafsdóttir skrifar
Grunsamlegi sölumaðurinn var á ferð í Garðabæ í nótt.
Grunsamlegi sölumaðurinn var á ferð í Garðabæ í nótt. Vísir/vilhelm

Lögreglunni á höfuðborgarsvæðinu barst tilkynning um grunsamlegan mann á ferð í Garðabæ á þriðja tímanum í nótt. Í dagbók lögreglu segir að maðurinn hafi hringt dyrabjöllu í húsi og orðið vandræðalegur þegar húsráðandi kom til dyra, „eins og hann hafi ekki búist við að fólk væri heima“. 

Maðurinn kvaðst þá vera í söluerindum og sagðist hafa farið húsavillt. Hann fannst skömmu síðar þar sem hann sat í bifreið. Maðurinn var handtekinn, grunaður um nytjastuld bifreiðar, brot á vopnalögum og vörslu fíkniefna, og vistaður í fangageymslu.

Á sjötta tímanum í gær var svo tilkynnt um mann að stela úr verslunum í hverfi 105 og 108.  Maðurinn var handtekinn skömmu síðar og ætluðu þýfi sem hann hafði í fórum sínum var skilað aftur í verslanir.  Maðurinn var vistaður í fangageymslu á meðan mál hans var unnið en síðar sleppt.

Laust eftir klukkan ellefu í gærkvöldi var tilkynnt um eld í bát í hverfi 104. Enginn eldur var sjáanlegur en mikinn reyk lagði frá bátnum. Talið er að reykurinn hafi átt upptök sín í rafgeymum en ekki er vitað um tjón.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.