Sport

Þjálfari Patriots uppfærir nafnið á bátnum sínum eftir hvern titil | Mynd

Henry Birgir Gunnarsson skrifar
Belichick fagnar nýjasta titlinum með kærustunni sinni, Lindu Holliday.
Belichick fagnar nýjasta titlinum með kærustunni sinni, Lindu Holliday. vísir/getty

Hinn ótrúlega sigursæli þjálfari New England Patriots, Bill Belichick, hefur gaman af því að veiða og allir vita hvaða bát hann á.

Fyrir nokkrum árum keypti hann sér bát sem var merktur  „V Rings“. Ástæðan var einföld. Hann hafði unnið Super Bowl fimm sinnum. Tvo sem varnarþjálfari Giants og þrjá sem aðalþjálfari Patriots.

Síðan þá hafa þrír aðrir titlar komið í hús og Belichick þarf að uppfæra nafnið á bátnum á tveggja ára fresti.

Það tók hann aðeins níu daga að uppfæra nafnið að þessu sinni en núna heitir báturinn „VIII Rings“ enda áttfaldur meistari.

Báturinn er í Flórída þar sem þjálfarinn á hús en hann er einnig með hús við ströndina í Nantucket þar sem hann á það til að renna fyrir fisk.

Þetta er engin snekkja en dugar vel í veiðarnar fyrir Belichick.mynd/twitter



Fleiri fréttir

Sjá meira


×