KA og Fjölnir gerðu jafntefli

KA og Fjölnir gerðu jafntefli í lokaleik liðanna í riðlakeppni Lengjubikarsins. KA endar þrátt fyrir það á toppi riðils 3.

KA hafði unnið alla fjóra leiki sína í keppninni til þessa þegar Fjölnismenn mættu norður á Akureyri.

Það voru gestirnir úr Grafarvogi sem byrjuðu betur og skoraði Ingibergur Kort Sigurðsson fyrsta mark leiksins á 11. mínútu.

Elfar Árni Aðalsteinsson jafnaði leikinn fyrir KA úr vítaspyrnu áður en fyrri hálfleikur var úti.

Ekkert mark kom í seinni hálfleik og endaði leikurinn því 1-1.

KA fer áfram í undanúrslit Lengjubikarsins þar sem liðið mætir ÍA en Fjölnir endaði í þriðja sæti riðilsins.