Góðir sigrar hjá Hauki Helga og Degi Kár

Haukur Helgi Pálsson lék vel þegar Nanterre 92 vann Strasbourg, 92-86, í frönsku úrvalsdeildinni í körfubolta í kvöld.

Haukur Helgi skoraði sjö stig, tók níu fráköst og gaf þrjár stoðsendingar. Enginn leikmaður á vellinum tók fleiri fráköst en íslenski landsliðsmaðurinn.

Þetta var fjórði sigur Nanterre í röð en liðið er í 3. sæti deildarinnar.

Í austurrísku úrvalsdeildinni unnu Dagur Kár Jónsson og félagar í Flyers Wels Furstenfeld, 89-80. Flyers Wels hefur unnið þrjá leiki í röð og er í 5. sæti deildarinnar.

Dagur Kár skoraði fimm stig, tók tvö fráköst og gaf þrjár stoðsendingar. Hann er á sínu fyrsta tímabili hjá Flyers Wels.