Síðast fór Hekla af stað þegar ýtt var á takkann Kristján Már Unnarsson skrifar 15. júní 2018 21:45 Ásbjörg Kristinsdóttir, yfirverkefnisstjóri Landsvirkjunar við Búrfell 2. Stöð 2/Arnar Halldórsson. Smíði Búrfellsvirkjunar tvö er nú á lokametrunum eftir aðeins tveggja ára framkvæmdatíma og stefnt að gangsetningu eftir tvær vikur. Þetta er í fyrsta sinn sem kona stýrir svo stórum virkjanaframkvæmdum hérlendis. Vinnusvæðið við Búrfell var heimsótt í fréttum Stöðvar 2. Nýju mannvirkin sem sjást á yfirborðinu eru nánast bara tveggja kílómetra langur frárennslisskurður og svo gangamuninn inn í fjallið því virkjunin er að mestu leyti grafin inn í fjall og nýtir stíflur og uppistöðulón þeirra virkjana sem fyrir eru á Þjórsár- og Tungnaársvæðinu. Stöðvarhúsið er inni í fjallinu. Eftir að búið er að beisla fallorkuna rennur vatnið út úr göngunum, um frárennslisskurð, og sameinast aftur Þjórsá.Stöð 2/Arnar Halldórsson.„Hérna var að fara framhjá á ári hverju svona um 420 gígavattstundir. Með tilkomu þessarar stöðvar náum við að nýta það framhjárennsli að stórum hluta og stefnum að því að framleiða hér um 300 gígavattstundir á ári,” segir Ásbjörg Kristinsdóttir, yfirverkefnisstjóri Landsvirkjunar við Búrfell 2. Miðað við meðalverð sem Landsvirkjun fékk fyrir orkusölu til stóriðju á síðastliðnu ári má áætla að söluverðmæti orku virkjunarinnar sé vart undir einum milljarði króna á ári. Áætlað er að smíði hennar kosti um sautján milljarða króna.Séð niður með frárennslisskurðinum. Búrfell sést á vinstri hönd en vinnubúðirnar eru hægra megin.Stöð 2/Arnar Halldórsson.Núna er um 140 manns að störfum á svæðinu en voru um 240, þegar flest var, þar af um 40 prósent Íslendingar. „Þetta hefur verið svolítið knappur framkvæmdatími, aðeins tvö ár, en gengið mjög vel. Og við þurfum að hafa svolítið hraðar hendur núna, það styttist í gangsetningu,” segir Ásbjörg. Stærsti verktakinn er samsteypa ÍAV og Marti Contractors. Tryggvi Jónsson, staðarstjóri þeirra í Búrfelli, segir að þeir séu stoltir af sínum þætti.Tryggvi Jónsson, staðarverkfræðingur ÍAV Marti.Stöð 2/Arnar Halldórsson.„Já, mjög stoltir, og sérstaklega að hafa náð að vinna þetta á þessum stutta verktíma,” segir Tryggvi. Í verkinu hafi verið 32 verkáfangar, allir með dagsektum, og ennþá hafi tekist að skila flestum á réttum tíma. Og hér finnum við starfsmann sem komið hefur að smíði flestra stórvirkjana landsins undanfarna áratugi, Davíð Jóhannesson hjólaskóflumann. Hann segist hafa byrjað í Sigöldu árið 1973. „Svo hef ég elt þetta síðan, allar þessar virkjanir, og svo núna hérna. Ég ætla að taka restina hér áður en ég hætti þessu,” segir Davíð.Davíð Jóhannesson er búinn að starfa á vinnuvélum í flestum stórvirkjunum landsins allt frá árinu 1973.Stöð 2/Arnar Halldórsson.Þegar við spyrjum hvað sé svona eftirsóknarvert við virkjanavinnuna nefnir hann félagsskapinn, útivistina og náttúruna. „Og svo náttúrulega kraftmikil vinna og mikið um að vera. Og félagsskapurinn er náttúrlega fyrst og síðast. Þetta eru flottir gæjar sem eru að vinna hérna, bæði íslenskir og erlendir.” Og ekki bara gæjar því þetta er í fyrsta sinn sem kona stýrir smíði stórvirkjunar. „Auðvitað er ég vissulega stolt af því og vona að það verði kannski hvatning til annarra kvenna til þess að koma í bransann. Þetta er náttúrulega svakalega skemmtilegt verkefni að fá að taka þátt í því,” segir Ásbjörg, en hún er með doktorspróf í verkfræði frá MIT-háskólanum í Bandaríkjunum og kom áður að verkefnisstjórn Kárahnjúkavirkjunar.Gangamunninn að stöðvarhúsinu. Áformað er að virkjunin verði gangsett í lok þessa mánaðar.Stöð 2/Arnar Halldórsson.Þegar Kristján Eldjárn forseti gangsetti gömlu Búrfellsvirkjunina í byrjun maímánaðar árið 1970 sögðu menn í gríni að hann hefði sennilega ýtt á rangan takka því þremur dögum síðar fór Hekla að gjósa. Það er eins gott að menn ýti á réttan takka þegar nýja Búrfellsvirkjunin verður gangsett þann 28. júní næstkomandi. Hér má sjá frétt Stöðvar 2: Tengdar fréttir Ný stórvirkjun byggð inni í fjalli við Búrfell Sautján milljarða króna framkvæmdir við nýja Búrfellsvirkjun, við hlið þeirrar gömlu, eru komnar á fulla ferð. 3. október 2016 19:45 Mest lesið „Við þurfum ekki öll að fara á sjúkrahús“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent Ýmsar aðferðir til að ná niður drónum Innlent Ætlar að peppa herforingjana á fundinum fordæmalausa Erlent Verjandi Matthíasar hnýtir í dóminn Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Anna ljósa fallin frá Innlent Jónína vill taka við af Ásmundi Einari Innlent Fyrsta haustlægðin mætt til landsins Veður Fleiri fréttir Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Hugmyndir kynntar um „miðstöð jaðaríþrótta“ í Toppstöðinni Telja dagana frá síðasta innbroti Rannsaka líkamsárás og fjárkúgun Sjá meira
Smíði Búrfellsvirkjunar tvö er nú á lokametrunum eftir aðeins tveggja ára framkvæmdatíma og stefnt að gangsetningu eftir tvær vikur. Þetta er í fyrsta sinn sem kona stýrir svo stórum virkjanaframkvæmdum hérlendis. Vinnusvæðið við Búrfell var heimsótt í fréttum Stöðvar 2. Nýju mannvirkin sem sjást á yfirborðinu eru nánast bara tveggja kílómetra langur frárennslisskurður og svo gangamuninn inn í fjallið því virkjunin er að mestu leyti grafin inn í fjall og nýtir stíflur og uppistöðulón þeirra virkjana sem fyrir eru á Þjórsár- og Tungnaársvæðinu. Stöðvarhúsið er inni í fjallinu. Eftir að búið er að beisla fallorkuna rennur vatnið út úr göngunum, um frárennslisskurð, og sameinast aftur Þjórsá.Stöð 2/Arnar Halldórsson.„Hérna var að fara framhjá á ári hverju svona um 420 gígavattstundir. Með tilkomu þessarar stöðvar náum við að nýta það framhjárennsli að stórum hluta og stefnum að því að framleiða hér um 300 gígavattstundir á ári,” segir Ásbjörg Kristinsdóttir, yfirverkefnisstjóri Landsvirkjunar við Búrfell 2. Miðað við meðalverð sem Landsvirkjun fékk fyrir orkusölu til stóriðju á síðastliðnu ári má áætla að söluverðmæti orku virkjunarinnar sé vart undir einum milljarði króna á ári. Áætlað er að smíði hennar kosti um sautján milljarða króna.Séð niður með frárennslisskurðinum. Búrfell sést á vinstri hönd en vinnubúðirnar eru hægra megin.Stöð 2/Arnar Halldórsson.Núna er um 140 manns að störfum á svæðinu en voru um 240, þegar flest var, þar af um 40 prósent Íslendingar. „Þetta hefur verið svolítið knappur framkvæmdatími, aðeins tvö ár, en gengið mjög vel. Og við þurfum að hafa svolítið hraðar hendur núna, það styttist í gangsetningu,” segir Ásbjörg. Stærsti verktakinn er samsteypa ÍAV og Marti Contractors. Tryggvi Jónsson, staðarstjóri þeirra í Búrfelli, segir að þeir séu stoltir af sínum þætti.Tryggvi Jónsson, staðarverkfræðingur ÍAV Marti.Stöð 2/Arnar Halldórsson.„Já, mjög stoltir, og sérstaklega að hafa náð að vinna þetta á þessum stutta verktíma,” segir Tryggvi. Í verkinu hafi verið 32 verkáfangar, allir með dagsektum, og ennþá hafi tekist að skila flestum á réttum tíma. Og hér finnum við starfsmann sem komið hefur að smíði flestra stórvirkjana landsins undanfarna áratugi, Davíð Jóhannesson hjólaskóflumann. Hann segist hafa byrjað í Sigöldu árið 1973. „Svo hef ég elt þetta síðan, allar þessar virkjanir, og svo núna hérna. Ég ætla að taka restina hér áður en ég hætti þessu,” segir Davíð.Davíð Jóhannesson er búinn að starfa á vinnuvélum í flestum stórvirkjunum landsins allt frá árinu 1973.Stöð 2/Arnar Halldórsson.Þegar við spyrjum hvað sé svona eftirsóknarvert við virkjanavinnuna nefnir hann félagsskapinn, útivistina og náttúruna. „Og svo náttúrulega kraftmikil vinna og mikið um að vera. Og félagsskapurinn er náttúrlega fyrst og síðast. Þetta eru flottir gæjar sem eru að vinna hérna, bæði íslenskir og erlendir.” Og ekki bara gæjar því þetta er í fyrsta sinn sem kona stýrir smíði stórvirkjunar. „Auðvitað er ég vissulega stolt af því og vona að það verði kannski hvatning til annarra kvenna til þess að koma í bransann. Þetta er náttúrulega svakalega skemmtilegt verkefni að fá að taka þátt í því,” segir Ásbjörg, en hún er með doktorspróf í verkfræði frá MIT-háskólanum í Bandaríkjunum og kom áður að verkefnisstjórn Kárahnjúkavirkjunar.Gangamunninn að stöðvarhúsinu. Áformað er að virkjunin verði gangsett í lok þessa mánaðar.Stöð 2/Arnar Halldórsson.Þegar Kristján Eldjárn forseti gangsetti gömlu Búrfellsvirkjunina í byrjun maímánaðar árið 1970 sögðu menn í gríni að hann hefði sennilega ýtt á rangan takka því þremur dögum síðar fór Hekla að gjósa. Það er eins gott að menn ýti á réttan takka þegar nýja Búrfellsvirkjunin verður gangsett þann 28. júní næstkomandi. Hér má sjá frétt Stöðvar 2:
Tengdar fréttir Ný stórvirkjun byggð inni í fjalli við Búrfell Sautján milljarða króna framkvæmdir við nýja Búrfellsvirkjun, við hlið þeirrar gömlu, eru komnar á fulla ferð. 3. október 2016 19:45 Mest lesið „Við þurfum ekki öll að fara á sjúkrahús“ Innlent Drónaútgerð?: Þingmaður hefur áhyggjur af rússneskum skipum við Færeyjar Erlent Ýmsar aðferðir til að ná niður drónum Innlent Ætlar að peppa herforingjana á fundinum fordæmalausa Erlent Verjandi Matthíasar hnýtir í dóminn Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Anna ljósa fallin frá Innlent Jónína vill taka við af Ásmundi Einari Innlent Fyrsta haustlægðin mætt til landsins Veður Fleiri fréttir Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Vaktin: Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Hugmyndir kynntar um „miðstöð jaðaríþrótta“ í Toppstöðinni Telja dagana frá síðasta innbroti Rannsaka líkamsárás og fjárkúgun Sjá meira
Ný stórvirkjun byggð inni í fjalli við Búrfell Sautján milljarða króna framkvæmdir við nýja Búrfellsvirkjun, við hlið þeirrar gömlu, eru komnar á fulla ferð. 3. október 2016 19:45