Fyrsti íslenski vestrinn kominn Stefán Þór Hjartarson skrifar 14. nóvember 2018 10:00 Kári grúskar í sagnfræði og skrifar bækur í frístundum en hann starfar sem lögfræðingur. Hefnd er fyrsta bók hans sem er gefin út þó að hann hafi skrifað þær fleiri. Hugmyndin kom eftir smá grúsk í sagnfræði. Fréttablaðið/Anton Brink Kári Valtýsson, rithöfundur og lögfræðingur, hefur sent frá sér skáldsöguna Hefnd – sem er vestri, en það er ekki algengt sagnaform hérlendis þó að Bandaríkjamaðurinn sé auðvitað búinn að gera þetta ótal oft. Það sem er sérstakt við þennan vestra hans Kára er að Íslendingur er aðalhetja hans, Gunnar Kjartansson að nafni, og hann þvælist þarna inn í alls konar kúrekaævintýri. Kári byggir bókina á sögulegum atburðum og hefur með í sögunni nokkrar raunverulegar persónur. „Þetta er vestri og mér skilst að þetta sé sá fyrsti sinnar tegundar hér á landi. Ég er sá fyrsti sem ríður á vaðið hérna megin hafsins. Ég var í raun að spá í af hverju fólksflutningarnir miklu urðu, þegar fólk fór að flytjast héðan til Kanada – og árið 1866 dúkkaði alltaf upp í grúskinu. Þetta var mikið eymdarár á Íslandi: það var afar harður vetur, rollurnar voru allar fársjúkar af fjárkláða og ofan á það átti enginn bót fyrir boruna á sér og Danirnir voru rosalega vondir við okkur. Þetta fannst mér ákaflega forvitnilegt og ég fór að skoða hvað var í gangi hinum megin við hafið á sama tíma.“ Hinum megin við hafið var verið að tjasla saman Bandaríkjunum eftir borgarastyrjöldina, það var verið að leggja lestarteina strandanna á milli og almennt spennandi tímar þar í gangi – þannig að Kári fór að vinna að því að tengja þessi tvö sögusvið saman. „Ég fór að pæla í hvernig ég gæti komið Íslendingi í þessar aðstæður þannig að það væri einhver brú í því og ekki algjör þvæla. Þannig að ég fór að leita heimilda til að komast þangað. Það tókst á endanum og okkar maður endar í harki á lestarteinunum og svo sem byssubrandur. Þannig að þetta byrjaði sem sagnfræðilegur áhugi og eitt leiddi af öðru.“ Kári segist vera búinn að skrifa heilan helling fram að þessu þó að Hefnd sé hans fyrsta útgefna bók – til að mynda skrifaði hann um lögfræðing í tilvistarkreppu, sem er auk þess eitthvað klikkaður, sem er kannski eilítið nær hans raunveruleika en vestrinn – en sú saga kom aldrei út. Hefnd varð til í kringum 2015 – og hefur verið í þróun síðan og Kári segir það sagnfræðiáhuganum að þakka að þessi „kolruglaða“ hugmynd hafi orðið að veruleika, eins og hann orðar það. Kári er í fullri vinnu hjá Fulltingi sem lögfræðingur og grúskaði í sagnfræðinni og skrifunum þess á milli. „Ég er að vinna á Fulltingi og skrifa svona í hjáverkum eins og þeir segja – byrja ekki allir þar?“ Birtist í Fréttablaðinu Bókmenntir Mest lesið Stjörnulífið: Löng helgi, hátíðarsýning og tónleikar Lífið Clooney mælti með handtöku Netanyahu Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Glæsihús Gerðar í Blush aftur á sölu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Myndaveisla: Ekkert gefið eftir í forsetafögnuði ísdrottningarinnar Lífið Af vængjum fram: „Ég ætla ekkert að fara að gráta hérna“ Lífið Keppendur Ungfrú Ísland 2024 Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Kári Valtýsson, rithöfundur og lögfræðingur, hefur sent frá sér skáldsöguna Hefnd – sem er vestri, en það er ekki algengt sagnaform hérlendis þó að Bandaríkjamaðurinn sé auðvitað búinn að gera þetta ótal oft. Það sem er sérstakt við þennan vestra hans Kára er að Íslendingur er aðalhetja hans, Gunnar Kjartansson að nafni, og hann þvælist þarna inn í alls konar kúrekaævintýri. Kári byggir bókina á sögulegum atburðum og hefur með í sögunni nokkrar raunverulegar persónur. „Þetta er vestri og mér skilst að þetta sé sá fyrsti sinnar tegundar hér á landi. Ég er sá fyrsti sem ríður á vaðið hérna megin hafsins. Ég var í raun að spá í af hverju fólksflutningarnir miklu urðu, þegar fólk fór að flytjast héðan til Kanada – og árið 1866 dúkkaði alltaf upp í grúskinu. Þetta var mikið eymdarár á Íslandi: það var afar harður vetur, rollurnar voru allar fársjúkar af fjárkláða og ofan á það átti enginn bót fyrir boruna á sér og Danirnir voru rosalega vondir við okkur. Þetta fannst mér ákaflega forvitnilegt og ég fór að skoða hvað var í gangi hinum megin við hafið á sama tíma.“ Hinum megin við hafið var verið að tjasla saman Bandaríkjunum eftir borgarastyrjöldina, það var verið að leggja lestarteina strandanna á milli og almennt spennandi tímar þar í gangi – þannig að Kári fór að vinna að því að tengja þessi tvö sögusvið saman. „Ég fór að pæla í hvernig ég gæti komið Íslendingi í þessar aðstæður þannig að það væri einhver brú í því og ekki algjör þvæla. Þannig að ég fór að leita heimilda til að komast þangað. Það tókst á endanum og okkar maður endar í harki á lestarteinunum og svo sem byssubrandur. Þannig að þetta byrjaði sem sagnfræðilegur áhugi og eitt leiddi af öðru.“ Kári segist vera búinn að skrifa heilan helling fram að þessu þó að Hefnd sé hans fyrsta útgefna bók – til að mynda skrifaði hann um lögfræðing í tilvistarkreppu, sem er auk þess eitthvað klikkaður, sem er kannski eilítið nær hans raunveruleika en vestrinn – en sú saga kom aldrei út. Hefnd varð til í kringum 2015 – og hefur verið í þróun síðan og Kári segir það sagnfræðiáhuganum að þakka að þessi „kolruglaða“ hugmynd hafi orðið að veruleika, eins og hann orðar það. Kári er í fullri vinnu hjá Fulltingi sem lögfræðingur og grúskaði í sagnfræðinni og skrifunum þess á milli. „Ég er að vinna á Fulltingi og skrifa svona í hjáverkum eins og þeir segja – byrja ekki allir þar?“
Birtist í Fréttablaðinu Bókmenntir Mest lesið Stjörnulífið: Löng helgi, hátíðarsýning og tónleikar Lífið Clooney mælti með handtöku Netanyahu Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Glæsihús Gerðar í Blush aftur á sölu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Myndaveisla: Ekkert gefið eftir í forsetafögnuði ísdrottningarinnar Lífið Af vængjum fram: „Ég ætla ekkert að fara að gráta hérna“ Lífið Keppendur Ungfrú Ísland 2024 Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira